KILISTALEA YII PƏLƏ
Yii maahonɛɛli hó gɛ, ya kɛi Biblə kalan nuta ɓa
Hó hwaa kɛnɛ : Hó ə́ kiliŋahiɛ yɛ ma maanɛɛ ə́ mɛni kəlee hukulɔ. Zesu ə kɛi kɛɛmaaləngɛ nua diɛ, diɛ di kiliŋahiɛ ma ə lɛɛ diɛ pɛli mukulɔi diɛ kpinii (Mt 17:24-27). Ya kɛi kɛɛmaalənŋaa kɛ, yili a galan gɛɛ ŋaanɛɛ ə lɛɛ a kpɔnmaa tɛɛ ə́ pɔ yii yaan nui ə́ kaa Biblə kalan ɉii ma, yɛ́ pɛli ŋɔ kiliŋahiɛ kɔlɔn ɉii (be-F 253 § 3-4). Ya kɛɛmaalən da kɛ, maanɛɛ ə́ naa maakpɔn yɛ pɛli mukulɔi. Nui ə́ kaa Biblə kalan ɉii ma, a kɛɛmaalən da mukulɔ a ɲɔnwɔɔ, ho kɛ ə́ kaa mukulaa leelee ɓoi ma, kəlaa maanɛɛ ə́ kɛɛmaalən dakpɛliɠaa kɛ ma, yii a kpɔnmaa tɛɛ bɔ yɛ pɛli gɛɛmaalən tii mukulɔi a nɛlɛɛ, yaa kpinii (be-F 238 § 1-2). Hwaa a nɛlɛɛ ə gɛ nui ə́ kaa Biblə kalan ɉii ma, yɛ pɛli ɉɛɓɛ hu woo ninɛɠaa ɲaakaai (be-F 230 § 4).
Hó ɉɛɓɛ ŋaakaa laa wala : Yii ə́ gɔlɔn yɛ hwilɛn na mɛnii tii ɓa, hó kɛ ə́ kaa gəlee hukulɔi (Zn 16:12). Yii lɔ balagalafə kaa moi, ya lɔ ɓə maanɛɛ ə́ ɉukulɔ (be-F 226 § 4-5). Mɛni pɛlɛɛ-pɛlɛɛɠaa kəlee hukulɔ mɛni a ɉɛɓɛ ŋaakaa laa wala (be-F 235 § 3). Yii balagalafə kaa moi, nui ə́ kaa Biblə kalan ɉii ma a ŋaakaa, ka tɛɛ palagalafə takpɛli ɓa.
Hó gɛ lɔ a ɉɛɓɛ kpɛɛ mɛni ɉaɉa : Biblə kalan mɛni nwun nɔ hwaa gwa nuta gu hee ɉɛɓɛ ɓa gu mo gu kpɛɛ la ɉaɉa. Kpaa, nwun neelee ɓa, yii gwa galan nuta ɓa, ə nii hon (Lu 24:32). Vɛlisɛɛɠaa di kaa ɉɛɓɛ hu, diɛi di mamɛni wala-walaa, diɛ ɓə maanɛɛ ə́ di hukulɔ. Yili ɓə pai Yálá Lawoo ŋɔ huwala-wala lɛi (2 Kɔl 10:4 ; Heb 4:12 ; be-F 144 § 1-3). Kɛ kɔɔmaaɠaa həɠəi, diɛi di ŋaakaa laa nɛɛ (be-F 245 § 2-4). Nui ə́ kaa Biblə kalan ɉii ma, galan gɛ pələ pɛli ŋɔ mɛni kɔlɔnŋaa ɓa. Ya pɛli ə́ kɛɛmaalənŋaa kɛ ma yɛ pələi : “ Yii ə́ kaa maakwɛlii, ə́ wɔ kiliŋahiɛ kaa ləi yɛ hwilɛn na ma ? ” “ Lə ɓə gaa galan ɉii guɔ yɛ hwilɛn na Zehova ɓa ? ” “ Ya kɛi niɛwooɠaa ŋɛi pɔ túwɔ́ ɓo, mɛinɛɛ ləkɛɛɠaa ɓə ya pɛli ɉɔlɔɓoi ? ” (be-F 238 § 3-5 ; 259 § 2).