KILISTALEA YII PƏLƏ
Ka gu gu wɔ yɛlɛkɛ pələ ta pɛlɛma Yálá Lawoo laa həliɛ hu : Guɔ nua hwaŋalɔ diɛ pa gu wɔ ŋaakpɔnŋaa diɛ
LƏ MƐNI ƁA GAA A MƐNI WALA-WALA : Gu wɔ ŋaakpɔnŋaa da kpɔnmaa tɛɛ gu pɔ gu “ wələ too Zehova ɓa ” ə lɛɛ guɔ “ maatɛnɛ ” (Som 149:1, TMN). Gwa kɛ ŋaakpɔn ma, da gu kalan Yálá liiɓa kɛ mɛni ɓa (Som 143:10, TMN). Nuai da pa gu wɔ kalan ɓa ə lɛɛ nuai gwa kɛ Biblə kalan ɉii diɛ, da kɛi pa ŋaakpɔn ma kɛlɛ-kɛlɛ, da tɛ tɔwɔ di wɔ Yálá mɛni hu.
PƏLƏI GWA PƐLI GƐI LA :
-
Pɛlimaa a kɛ laa mo ma ə pa ŋaakpɔn ma. Hó naa maakpɔn ka yaa ka kɛ Biblə kalan yɛ́ təɠa pa dəlii ŋaakpɔn ma (Kpŋ 22:17).
-
Ɉukulɔ maanui ɓa yii a tɛɛ ŋaakpɔn ma, ə lɛɛ yii hiɛhu di kaa pai moi ŋaakpɔn ma. Ɉɛnŋaa da pɛli kpɔnmaa tɛɛ ə́ pɔ diɛ ka : Nua təli mɛni ŋaakpɔn ma ŋɔ hɛɓɛlaa, vidio Lə mɛni ɓə a tɛɛ Zehova ŋɔ Kəlaɠaa di wɔ ŋaakpɔn gɛ pɛlɛ mu ?, ə lɛɛ brochurə Zehova liiɓa ɲaakwɛlɛi 5 da 7
-
Kpɔnmaa tɛɛ bɔ. Akɛ maanui maakpaan gaa həɠə lɛlɛɛ too mɛni ɓa, kpɔnmaa tɛɛ bɔ. Hee gwɛlɛ ŋaakpɔn gɛi lowai ə lɛɛ ka yaa ka kɛ ə́ wɔ kalan ɉɛɓɛɠaa hu kaai. Nɛ nu takpɛliɠaa diɛ.