HƐNGƆU KAA YÁLÁ LAWOO HU | SOMƏ 119, TMN
“ Ka gu hiɛ a Zehova ŋɔ Tɔn nwoo ”
Ə gɛ nu yɛ pɛli hiɛi a Zehova ŋɔ tɔn nwoo, maanɛɛ ə nɛɛlaa Yálá ə dənəndɔɔ. Kɔɔmaa tamaa kaa Biblə hu yɛ hwilɛn na nua hiɛ a Zehova ŋɔ tɔn nwoo, yɛ pələi Somə hɛɓɛ pɛɛnmun ə kɛ la, ə hiɛ a Zehova ŋɔ tɔn nwoo ə lɛɛ ə gili tɔɔ ma.
Gwa kɛi hiɛ a Yálá ŋɔ tɔn nwoo, yili ɓə pai kwəinɛɛ leelee tɛɛi gu pɔ.
119:1-8, TMN
Zosue ə gili kəlee tɔɔ Zehova ɓa dənəndɔɔ mɛni ɓa. Ə kɛ a gɔlɔnŋaa yɛ ma, ə gɛ yɛ pɛli kɛi kwəinɛɛ leelee hu, maanɛɛ ə laa Zehova la a nii kəlee.
Yálá Lawoo a kpɔnmaa tɛɛ gu pɔ, gu tɔɔ kpaan yɛnɛɛ mɔnɔɠaa hu.
119:33-40, TMN
Zelemi ə liikpələlaa kɛ ə lɛɛ naa kɛ Zehova la ə ma kɛ ə kɛi mɔnɔ tamaa mɛɛ. Ə mɛni tamaa kulɔ ŋɔ yɛnɛɛ hu ə gɛ yɛ pɛli ŋɔ Yálá kóló kɛi a nwanai.
Yálá Lawoo kɔlɔnŋaa a neelee a kpɔnmaa tɛɛ gu pɔ guɔ pɛli Nawoo laa həlii.
119:41-48, TMN
Pɔli ho kɛi ɲɔu Yálá Lawoo laa həlii nu lɔpee gəlee ɓa. Ɓɛlowai ə Yálá Lawoo laa həli la Guvɛɛnɛɛli Felix ɓa, naa kɛ na yɛ ma Yálá kaa pai kpɔnmaa tɛɛ bɔ
Minɛ ɓə ŋa kɛ laa gɛ pɛli Yálá Lawoo laa həlii a liikpələ ?
-
Lakwəli taa
-
Kóló ɓa
-
Pɛlɛ laaləi
-
Kɛɛnaa takpɛli
