Ya lokolo kaa pɛlɛ laaləi, maanɛɛ ə́ gaanua maaləngɛ ma. Yili a nɛ yɛ gwa gaanua maawiɛ (Hŋ 6:20, TMN). Nokolo akɛ yɛ́ ə́ lɔ bɛlɛn, ho hwaa ma. Lowai awala kɛ gaanua yəi, ya pɛli ə́ pa pulu ɓa.

Akɛ a lokolo yii dawolo kɛnɛi, ə lɛɛ yɛ mɛni ŋaakaa, maanɛɛ nwɔnɔ gu gaanua maaləngɛ ma. Lowai awala kɛ gaanua yəi, gwa pɛli gu maaləngɛ akɛ gaanua da hwaa ma ə hɛɓɛ hon nu takpɛli yəi. Akɛ ma ee, gwa pɛli gu kalan ɉɛɓɛ ta tɛɛ bɔ a ŋɔɔ ə lɛɛ gu jw.org lɛ ma.

Gwa Yálá Lawoo laa həli muhəɠəninɛ ta ɓa, naa wɛli a too ma, gwa kɛi pənə guɔ li kiikaa veelɛnaa kɛi, maanɛɛ gu gaanua maaləngɛ ma. Yili kaa pai kpɔnmaa tɛɛ gu pɔ gu ɉukulɔ diɛ lə mɛni ɓa gu kaa la laa ə lɛɛ gwa pɛli niɛwooɠaa gaa Biblə hu yɛ hwilɛn na pɛlɛn ɲii ɓo pələ ɓa, gu nɛ diɛ (Som 119:86, 138, TMN). Gwa gaanua maawiɛ tii, yili kaa pai kɛi a kəla hwaa lɛlɛɛ ə lɛɛ yili kaa pai kpɔnmaa tɛɛ gu pɔ gu wɛlɛɛ lɛlɛɛ laa həli bɛlɛn nua diɛ (1 Pi 2:12).