Kwəlan gəlee, gwa mɛniɠaa hee gbanŋa gu wɔ koɓi kɛnɛ hu ŋaakpɔnŋaa maamɛni ɓa. Yili ɓa, ka gu kaa pai nu tamaa təlii di pa di Zehova ŋɔ mɛinɛɛɠaa kɔɔn (Somə 34:8, TMN). Pələi gu kaa pai dəliɓo kɛ hɛɓɛ tɛɛ la a nɛlɛɛ, kalangbɔn kəlee ŋɔ kalaɉonŋaa kaa pai yili maamɛni heei gbanŋa.

• Minɛ lowai ɓə ku wɔ koɓi kɛnɛ hu ŋaakpɔn kaa pai kɛi la ?

• Minɛ lowai ɓə dəliɓo kɛɛ kaa pai gɔwɔtɔɔi la ku wɔ kpinin hu ?

• Minɛ lowai ɓə ku kaa pai kɛi ku wɔ kpinin ŋɔ Yálá Lawoo laa həli nwundɔɔ kɛi la ?

• Lə mɛniɠaa ɓə gáá bɔ ŋi gɛ ?

• Gbɛɛ ɓə gáá bɔ ŋi dəli ?

Ya kpɛɛ a nwoo pili maa kɛɛ ya pɛli kɛi ma :

“ Ku kaa nu tamaa təlii mɛni wala-wala ta ɓa. Mɛnii tii kɛi lowai da ɓɛi di kaa pai gɛi laa, di kaa pɛɛn ni dəliɓo hɛɓɛi ŋɛi ɓa. Ə́ pa mɛni laa kaa pai ku kwəinɛɛi. ”

Pələi ma ka gu kaa la bɔ ka gu nu kəlee təli, naawɛli a too nuta ɓa, maanɛɛ ka gu gɛ pələ kwɛli ma ə pa.

Hiɓili da Zimahi holoɠaa, ya pɛli ə́ nwɛlɛɛ hɛɓɛ da dəliɓo hɛɓɛ tɛɛ.