Zehova ŋɔ pɛli hɛnŋaa da maawiɛ pələ noloɓo (Somə 19:1-4 ; 139:14, TMN). Yii ɲɛnɛɛ ŋɛi nwun namun ɓaa a ɓilihi, nua da kɛ mɛniɠaa kalan ɉii yɛ hwilɛn na guɔ yɛnɛɛ kɔwɔtɔɔ pələ ɓa yii hwa Yálá maawiɛ (Rm 1:18-25) Ka pɛli gɛi ləi, ə gɛ mɛniɠaa tii nua da kɛ galan ɉii, ho lɔ ka lonnii nwun ɉu, ə lɛɛ ho di kili maa pənə ? Ka kpɔnmaa tɛɛ di pɔ di lokolo lowai, di laa Zehova la, di gɔlɔn diɛ kɛ ma gaa laa, ə lɛɛ gaa a Yálá yii a di maalihɛlɛn ɉee (2 Kɔl 10:4, 5 ; Ef 6:16) Di wɔ kiliŋahiɛ kɔlɔn yii hwilɛn na mɛniɠaa da kɛ galan ɉii diɛ nakwəli taa, ə lɛɛ ə́ mɛni kəlee kɛ yɛ́ pɛli di lii ho ɉii a gu wɔ kalan ɉɛɓɛɠaai di hwilɛnŋaa mɛniɠaa tii diɛ. (Hŋ 20:5, TMN ; Zaak 1:19)

KA VIDIO ŊƐI HU KAA, CE QU’ILS EN PENSENT : CROIRE EN DIEU, Ə LƐƐ KA MAALƏNGƐƓAA ŊƐI MUKULƆ :

• Nu mɔlɔɓəlaa di wɔ kiliŋahiɛ kaa ləi yɛ hwilɛn na Yálá ɓa ?

• Mɛni ləkɛɛɠaa ɓə da kɛ galan ɉii ka yəi nakwelitaa ?

• Mɛni ləkɛɛɠaa ɓə da gɛ yɛ́ laana yɛ́ ma Zehova ka laa ?

• Ya pɛli kpɔnmaa tɛ lə nu ta pɔ ə gɛ yɛ pɛli gɔlɔn ɉii yɛ ma Yálá ɓə hɛn gəlee pɛli ?