Kilitɔɔmaalaa kaa yɛ yá-ŋa kələn kpulɔn ɲɛli (Heb 6:19). A kpɔnmaa tɛɛ gu pɔ, ə gɛ gu ho həɠə laanalaa pələ mɛi, ɓɛlowai mɔnɔ tamaa a həli la guɔ (1Ti 1:18, 19). Mɔnɔɠaa tii a pɛli kɛi a ɓɛlowai nuta a gu hwiikpɛɛ mɛni ta kɛ, a pɛli nwɔnɔ kɛi a gu yee hɛngɔu kəlee kalaɠala mɛni, gu wɛlikɛmamun da haa mɛni, ɲɔn wala-wala a pɛlɛ guɔ yai ɉali ho ma, awala kɛtii mɛni takpɛli yii a pɛli gu həɠəi Yálá pələ mɛi.

Laanalaa da kilitɔɔmaala da gɛ, mɛniɠaai Yálá aa di maa minɛ həɠə,guɔ pɛli di kaai (2 Kɔl 4:16-18 ; Heb 11:13, 26, 27). Yili ɓa, maanɛɛ guɔ gu wɔ kilitɔɔmaalaa laahɔnmo, a gu kiliŋahiɛ mɛni a ɉu kweaa yɛ hwilɛn na minɛɠaai Yálá aa ɉəɠə diɛ, diɛi di kaa Biblə hu. Maanɛɛ nu kəlee yɛ ŋɔ kilitɔɔmaalaa laahɔnmo, guɔ gu kɛ a nua tinaa pai yɛnɛɛ kɛi yələkɔlɔn ɉu, awala kɛtii yiiɠaa pai yiipoo hɔlɔɓoi lɔi mɛi. Gwa kɛi gɛ tii, yili a gɛ gu kɛ kwəinɛɛ hu, ə ma kɛ lii kələn gwəi mɛni huwu tamaa da kɛ həlii guɔ (1 Pi 1:6, 7).

KAA VIDIO ŊƐI HU KAA RÉJOUISSEZ-VOUS DANS L’ESPÉRANCE, Ə LƐƐ KA GƐƐMAALƏNŊAA ŊƐI MUKULƆ :

• Lə mɛni ɓa Mowisə kaa a kɔɔmaa lɛlɛɛ gu yəi ?

• Pɛlɛ namənaa di wɔ maatii ɓa lə ?

• Mɛni ləkɛɛɠaa ɓə maanɛɛ ka ɉee gbanŋa ka wɔ Yálá ɓatoo mɛni hu ka yee ɓɛlɛn ?

• Kilitɔɔmaalaa a kpɔnmaa tɛɛ ləi ə́ pɔ yɛ́ pɛli tɔɔi kpaan mɔnɔɠaa tɔwɔ ?

• Lə ɓə tinaa gu kili tɔɔ ma ?