Bible ə nɛɛ tɔwɔ ə mo yɛ Sətana kaa pai yowolaa heei guɔ, yii yaan ə gu wɔ Yálá kóló hu kala (Zn 15:20 ; Kpŋ 12:17). Gwa pɛli kpɔnmaa tɛɛ ləi gu ɓəlaa kalan nea pɔ, yiiɠaa mɔnɔ mɛɛ lɔi takpɛliɠaa hu ? Gwa pɛli gu Yálá hwɛli diɛ. “ Təlimo mun ŋɔ Yálá hwɛliɛ kaa a ɲɔn ɉalə wala-wala ” (Zaak 5:16).

Lə ɓə maanɛɛ gu mo hwɛli woo hu ? Gwa pɛli gu mo Zehova ɓa ə hwaŋa tɛɛ gu nan nonnii pɔ ə lɛɛ ə kpɔnmaa tɛɛ di pɔ, di ho ɲɔu (Iz 41:10-13, TMN). Gwa pɛli nwɔnɔ gu Yálá hwɛli nɔi namənaa diɛ yii yaan di hwaa ma gu gu wɔ Yálá kóló kɛ a nɛlɛɛ “ ə gɛ, gu yii nɛɛ ɓo liilaa hu ” (1Ti 2:1, 2).

Ɓɛlowai di yowolaa hee la Pɔli da Piɛli diɛ, Kilistalea tolooɠaa di Yálá hwɛli diɛ, di di laa ɓo di wɔ hwɛliwooɠaa hu (Tp 12:5 ; Rm 15:30, 31). Ə ma kɛ háákələi nua da kɛ yowolaa heei diɛ gu ho gəlee laa kɔlɔn, gwa pɛli gu di wɔ lɔi laa ɓo awala kɛtii galangbɔn yii di kaa ɉu.