Gu kaa bɔ deɲaɠaai gwaa galan nua diɛ, ə kɛnɛ di nii hu (1 Kɔl 3:6). Gwa nuta kaa yii aa ɲee hee gu wɔ wɛlɛɛwoo mu, maanɛɛ gwa kɛi həɠə laa, gu kɛɛmaalən da kɛ, yii gu kaa pai lono kɛi mɛi pulu ɓa. Yili kaa pai gɛi ə giliŋahiɛ ma nono kɛi lowai tɔwɔ, ə lɛɛ giikaa veelɛnaa kɛ laa ə nɛɛ gu yəi. Gwa pənə gwa pa, gwa mo ma guɔ ma gu pa gɛɛmaalən tii mukulɔi.

• Ɓɛlowai gwa kɛ gu kpɔɔ pɛlii la, yii yaan gwə li gu Yálá Lawoo laa həli pɛlɛɠaa laaləi, maanɛɛ kɛɛmaalən da ə kɛ gu kili pɔ, yii gu kaa pai gɛi, ə gɛ gu pa mukulɔ giikaa veelɛnaa ɓa. A pɛli ə kɛ a kɛɛmaalən da yii mukulaa ɉɛɓɛ hu, yai gu kaa pai dɛɛi. Awala kɛtii, yɛ ɓo a kɛɛmaalən da yii mukulaa kaa gu wɔ kalan gɛ hɛɓɛɠaai ta hu.

• Nuta a ɲee hee gu wɔ wɛlɛɛwoo mu, gwa kɛi həɠə laa gu wɔ lono kpɛɛ pulu, maanɛɛ gu nɛ ma guɔ ma, gu kaa bɔ gu pənə gu pa bɔɔli. Ə lɛɛ gu kɛɛmaalən da kɛ, yii a lɛɛ gili pɔ. Pɛlimaa a kɛ laa, gu maa nu laa da ŋɔ təliɓo kɛ kwɛli nimelo həɠə.

• Gwa kɛ maa nu ɓa gu kaa pənəi gu pa a lowai ta, maanɛɛ gu pa a naalowai (Mat 5:37).