Isilayɛli nua di wɔ Yálá hee pɛlɛi ŋɛi di dɔɔ, ə kɛ a kóló kɛnɛ, ə lɛɛ hɛngɔu tamaa kulɔ mɛni ə kɛ ɉu. Ə ma kɛtii, di gólói tii kɛ a di hwaŋa (1 Kol 29:2-9, TMN ; 2 Kol 6:7, 8, TMN). Kpɛɛi di mo a bɛlɛ tɔɔ, naa maahəɠə mɛni a kulɔ kɛ di wɔ Yálá ɓatoo pələ hu (2 Tɔɔɓ 22:3-6, TMN ; 2 Kol 28:24 ; 29:3, TMN). Háákələi nwɔnɔ, Kilistalea da di wɔ lowai kɛnɛ həɠə ɉu diɛ Ŋaakpɔn gɛ pɛlɛɠaa tɔɔ, ə lɛɛ diɛ naa maahəɠə. Da kɛi gɛ tii, a kɛtii da Zehova ni di kaa kóló kɛi gee pɔ, ə lɛɛ yili kaa a mɛinɛɛ kɛnɛ, gaa a di wɔ Yálá kóló ta (Somə 127:1, TMN ; Kulɔ p 7:15).

• A naa maahəɠɛɛ ŋaakpɔn gbɛɛ pulu. Yili ŋɔ pɛlimaa awala kɛ ə́ yəi, kala a kɛ ə́ kwɛlɛ ə́ ɲɛɠɛ.

• A Ŋaakpɔn gɛ pɛlɛ mu waa kɛlɛ-kɛlɛ, ə lɛɛ guɔ naa maahəɠə. Nu tamaa da kɛi kóló kɛ gee pɔ kwəinɛɛ a kɛ laa (jl ɲaakwɛlɛi 26).

• A gu yəi wali. Ə ma kɛ a wali kɔu hweelɛ, gu dɛɛ Zehova pɔ a gu lii kəlee (Mak 12:41-44).

• A Ŋaakpɔn gɛ pɛlɛɠaa tɔɔ da naa kpɛtɛɛ, yili ŋɔ pɛli maa a kɛ ə́ yəi. Ə ma kɛ hó pɛlɛ kóló kɔlɔn, ə́ laa a pɛli kɛi góló tii hu.