Kɛɛmaalən mukulaa a nɛlɛɛ a galan gbɔn ɉu nua hwaŋalɔ (Rm 14:19). Ə lɛɛ nu a kɛɛmaalən mukulɔ a nɛlɛɛ a ɉu mɛinɛɛ hɔlɔɓo (Hŋ 15:23, 28, TMN). Yili ɓa, maanɛɛ gu mɛni kəlee kɛ guɔ pɛli kɛɛmaalən dɔnɔ mukulɔi ŋaakpɔn ma. Kəlaa ə ma kɛtii, lowai kəlee hwəi gwa gu yee tɛ la di ɉəli guɔ. Yili a kɛtii maanɛɛ gu kɛɛmaalən mukulaa damaa pɛli guɔ li ŋaakpɔn ma.

• akɛ a ɉuponoɔ, hwa kɛ a nwala-walaa, ə lɛɛ ɉu hwa kɛ a kwea. Kɛlɛ-kɛlɛ hu, kɛɛmaalən mu a kulɔ a segɔnə 30.

• akɛ a ə́ kpɔɔ hwaa woo, pələi ya ŋaakaa la.

• akɛ a kɛɛmaalən mukulaa yii nu takpɛli ho nii gɛ li.

• haŋaa ə́ gɛɛmaalən mukulɔ, ho mo a ɉu kweaa.

• ə́ vɛlisɛɛ ta hukulɔ yii gaa balagilafə hu, yɛ hwilɛn na gɛɛmaalən tii ɓa.

• ə́ mo pələi gɛɛmaalən hwilɛnŋaa la gu wɔ yɛnɛɛ ɓa.

• ə́ mo nwɔnɔ pələi gwa pɛli bɔ túwɔ́ ɓoi la.

• ə́ mɛni takpɛli ɓo nwɔnɔ yii a gɛɛmaalən tii mukulaa ŋaakaa laa nɛɛ.