Ɲɛnɛɛ ɲaakpɛɛ lowai ŋɛi a lɛɠɛ, maanɛɛ gu gu wɔ Yálá kóló kɛ a naa maa hwulaa (Hŋ 24:11, 12, 20, TMN). Ə gɛ guɔ pɛli kpɔnmaa tɛɛ nua pɔ, maanɛɛ gu JW.ORG lɛ hɛɓɛ tɛɛ di pɔ. Gwa pɛli gu Yálá Lawoo laa həli diɛ awala kɛtii gu mo diɛ dəli gu wɔ kwɛli yɛli ɓa. Kodə ta kaa JW.ORG lɛ hɛɓɛ ɓa yii a gɛ nu yɛ pɛli vidio Biblə kalanŋaa nwun maa lə ? kaai ə lɛɛ nu a pɛli ə Biblə kalanŋaa hu hwɛli. Gu wɔ hɛɓɛ hon nwɛli hwa kɛ nu taɠaa diɛ , kəlaa da hwaa ma dəli gu wɔ kwɛli yɛli ɓa. Hó səka-səka JW.ORG lɛ hɛɓɛ tɛɛ di pɔ. Kəlaa hó JW.ORG lɛ hɛɓɛ lɛɛ nua naa wɛli a wala kɛ diɛ di pɔ.

Ka kɛi li ka kɛ kólóɠaa diɛ, ka pɛli ma ka dɛɛ nuta pɔ. Ka pɛli ka mo ma kaa ma : “ Hɛɓɛ ta kaa ɲəi gaa bɔ ŋa dɛɛ ə pɔ. Ɉɛɓɛ ŋɛi a li a yɛ kwɛli yɛli ta ɓa ɓɛi mɛni tamaa hukulaa laa ə lɛɛ vidioɠaa kaa laa diɛ mɛni tamaa maamɛni ɓo ” (Zn 4:7) JW.ORG lɛ hɛɓɛ, ho ɓaa a hɛɓɛ kɛnɛ, yili ɓa, ka pɛli ma ka dɛi-tɛi lɛɛ ka yəi yii yaan ka pɛli dɛɛ nua pɔ ɓɛi ka kaa laa.