LƏ MƐNI ƁA GAA A MƐNI WALA-WALA : Ə gɛ Zehova yɛ pɛli ɲɛi hee Biblə kalan nua ɲɛi, maanɛɛ di di kpɔɔ tɛɛ Yálá pɔ ə lɛɛ di di batisə (1 Pi 3:21). Nua daa di kpɔɔ tɛɛ Zehova pɔ ə lɛɛ diɛ lɛɛ nwoo mu, Zehova a di maakpɛ (Som 91:1, 2, TMN). Zehova yaa tɔnɔ gbən ɓə maanɛɛ gu gu kpɔɔ tɛɛ bɔ. Gu hwa gu kpɔɔ tɛɛ nukanŋaa maamɛni ɓa awala kɛtii kóló ta maamɛni ɓa, awala nwɔnɔ kɛtii kpɔn da maamɛni ɓa. Yili ɓa, maanɛɛ Yálá ŋɔ wɛlikɛmaalaa leelee ə kɛnɛ Biblə kalan nua nii hu (Rm 14:7, 8).

PƏLƏI GWA PƐLI GƐI LA :

• Ka wɔ Biblə kalan ɉii lowai, yii ka ka galan ɉii, pələi gaa hwilɛn ɉii la Zehova ɓa, ka lono kɛ mɛi. Ə lɛɛ kɛ́ vaŋalɔi yɛ Biblə ɓo holo kəlee ə lɛɛ ə́ mo ma “ ho kpəla Yálá hwɛliɛ ɓa ” (1 Tes 5:17 ; Zaak 4:8).

• Nui ə́ kaa Biblə kalan ɉii ma, vaŋalɔ ə mɛniɠaa hee gbanŋa ə gɛ yɛ pɛli gbɔɔ tɛɛ Yálá pɔ ə lɛɛ yɛ pɛli batisəi. Kpɔnmaa tɛɛ bɔ toloo ə pɛli mɛni tɛi-tɛiɠaa kɛi ŋɔ Yálá mɛni hu. A pɛli ə kɛɛmaalənŋaa mukulɔ ŋaakpɔn ɓa ə lɛɛ ə Yálá Lawoo laa həli gwɛlɛ nua diɛ. Gili pu ɉu yɛ́ ma Zehova hwa nuta lɔpee hɔlɔhima ɓo kóló kɛ mɛni ma. Nu kpɔɔ tɛɛ mɛni Yálá pɔ, maanɛɛ ə həɠə maanui nii hu (Dt 30:19, 20, TMN).

• Nui ə́ kaa Biblə kalan ɉii ma, mo ma ə duwɔ pələ maahwalən yii yaan nwɛli yɛ pɛli too Zehova ɓa ə lɛɛ yɛ pɛli batɛɛmu həɠəi (Hŋ 27:11, TMN). Nukanŋaa túwɔ́ pələ taɠaa kulɔ laa walaa di yee pɔ, yili ɓa, nui ə́ kaa Biblə kalan ɉii ma, lɛɛ lɔ ma yɛ́ kpɔnmaa tɛɛ bɔ ə gɛ ə duwɔ pələ pɔlɔɠaalɛɛ laa, yɛ tuwɔ a nɛlɛɛ (Ef 4:22-24). “ La Bible change des vies ” ŋɛi a kɛ kulɔi La Tour de Garde hu, daɠaa maamɛni ɓo ma.

• Gwəinɛɛ mɛniɠaa yaa ɉɔlɔɓo ə́ wɔ Yálá mɛni hu, ɉukulɔ ma (Iz 48:17, 18, TMN).