Hɛɓɛ tɛɛ pələ ninɛ ta kaa pai gɔwɔtɔɔ yɛ kulɔ Gu wɔ yii da gu wɔ Yálá kóló Kalan gɛ Hɛɓɛ hu a Tana, diɛ kɛ ma “ Ka gu teɲa kalan ”. Yii gu kaa bɔ yaa ɓaa nu tamaa di teɲa kɔlɔn. Gu kaa pai kɛɛmaalən da kɛi, ə lɛɛ gu vɛlisɛɛ ta ɓo.

Naa wɛli a too nuta ɓa, gwa pɛli gu gu wɔ kalan ɉɛɓɛ ta tɛɛ bɔ awala kɛtii gu jw.org ŋɔ vidio ta lɛ ma, a kiikaa veelɛnaa tɔwɔ pɛliɛ. Maanɛɛ gu mɛni kəlee kɛ, gu pənə gu pa ɉaɉa ə gɛ gu gu wɔ lono laakulɔ. Ɉɛɓɛ tɛɛ pələ ninɛ da yii maanɛɛ nakwəli lea di gɛ kaa pai kɛi a vilɛnŋaa résumés des chapitres ɓa, yii gaa ɉɛɓɛ ŋɛi hu Que nous apprend la Bible ? Kɛɛmaalən da vɛlisɛɛ takpɛliɠaa kaa ɉɛɓɛi tii hu yii ya pɛli ə kiikaa veelɛnaa tɔwɔ pɛli la awala kɛtii ə Biblə kalan na nua diɛ.

Pələ tɔnɔ lɔ ɓə a li a guɔ yiipoo yɛnɛɛ hu (Mt 7:13, 14). Gwa kɛ Yálá Lawoo ɓoi nu huwu lɔpee gəlee ɓa. Yili ɓa, maanɛɛ gu gɛ pələ kwɛlima Biblə ŋɔ teɲa ə di tɛi-tɛi kəlee di lii hon (1Ti 2:4). Gwa kɛi Biblə ŋɔ ‘ teɲa woo laa həli a ɉaŋaa ’ nua diɛ ə lɛɛ guɔ gu wɔ yɛlɛkɛ pələ ta pɛlɛma, yili kaa pai gu wɔ kwəinɛɛ ta pɛlɛi ma ə lɛɛ gu kaa pai yili hu mɛinɛɛ hɔlɔɓoi (2 Ti 2:15).