Para ver JW Broadcasting en Roku, primeiro debes configurar o teu dispositivo Roku e instalar a aplicación JW Broadcasting. Para facelo, sigue estes pasos:

•  Como configurar o teu dispositivo Roku

•  Como instalar JW Broadcasting dende un ordenador

•  Como instalar JW Broadcasting dende Roku

Consulta o manual de instrucións do teu dispositivo Roku para configuralo e conectalo a Internet. Unha vez que o dispositivo estea conectado, sigue as instrucións que aparecerán en pantalla para rematar a súa instalación.

Nota. Precisarás unha conexión a Internet dende un ordenador ou dispositivo móbil para ver as instrucións de instalación.

Durante a instalación, pediráseche que asocies o dispositivo Roku a unha conta. Vai a www.roku.com/link e introduce na túa televisión o código que recibirás. A continuación, sigue as instrucións no teu ordenador ou dispositivo móbil para crear unha conta de Roku.

Unha vez que o dispositivo Roku estea asociado á túa conta, actualizarase a pantalla da túa televisión.

Se precisas máis información para configurar o teu dispositivo Roku, consulta a sección “Soporte técnico” da páxina web de Roku.

O dispositivo Roku utiliza un programa informático para reproducir programas ou canles. Deberás engadir as canles que conteñan os vídeos que desexas ver. Podes engadir novas canles dende o teu ordenador.

• Podes ir a JW Broadcasting na Roku Channel Store dende calquera navegador de Internet.

• Se aínda non o fixeches, inicia sesión na túa conta de Roku.

• Fai clic no botón Engadir canle. Cando a canle estea engadida, desaparecerá o botón verde Engadir canle e aparecerá a palabra Instalado.

Ó engadir unha canle dende o navegador de Internet, a canle non se instalará automaticamente no teu dispositivo Roku, só a engadirá á listaxe de canles en espera. Debes instalar a canle engadida no teu dispositivo Roku.

• Preme no botón Inicio do teu mando a distancia Roku.

• Usa as frechas Arriba e Abaixo para ir á pantalla de Axustes.

• Fai clic en OK.

• Na páxina de Axustes, selecciona o botón System Update e fai clic en OK. Cargarase a páxina de actualización do sistema. Unha vez rematado este proceso, aparecerá resaltado o botón Check now á dereita da pantalla.

• Fai clic en OK.

O dispositivo Roku buscará e instalará a canle engadida á listaxe.

• Volve á pantalla de inicio de Roku e selecciona My Channels no menú principal. Aparecerán tódalas canles instaladas no teu dispositivo Roku, incluída a canle JW Broadcasting.

• Selecciona o logo de jw.org e fai clic en OK para iniciar JW Broadcasting.

Tamén podes instalar JW Broadcasting directamente dende o teu dispositivo Roku.

• Vai á páxina de inicio de Roku.

• Usa as frechas Arriba e Abaixo do teu mando a distancia Roku para desprazarte polo menú principal ata que apareza resaltada a función Search.

• Preme en OK.

A función Search de Roku serve para buscar películas, series de televisión, actores, directores, xogos e canles que coincidan co que escribas. Como JW Broadcasting é unha canle, aparecerá o símbolo Channel ó seu lado. Para atopar a canle JW Broadcasting, escribe unha das seguintes palabras clave:

• jw broadcasting

• jw.org

• jwtv

• Xehová

• Cando apareza a canle JW Broadcasting na listaxe de resultados, preme na frecha Dereita ata que apareza resaltado o nome da canle. A continuación, preme en OK. Aparecerá resaltada a opción Add channel.

• Preme outra vez en OK para instalar JW Broadcasting.

Para ver JW Broadcasting, selecciona Go to channel ou volve á pantalla de inicio de Roku para buscar JW Broadcasting na sección My Channels.