Na pestana “Estudo persoal” podes crear listas de reprodución de vídeos, audios e imaxes. Por exemplo, podes:

• Crear unha lista das túas cancións teocráticas favoritas.

• Ter xuntos vídeos e imaxes para usar na predicación.

• Facer unha lista de imaxes para o teu discurso e compartila cos irmáns de audio e vídeo.

 Crear unha lista de reprodución e engadir elementos

 Editar unha lista de reprodución

 Recortar un elemento dunha lista de reprodución

 Compartir unha lista de reprodución

 Atallos de teclado

Crear unha lista de reprodución

1. Vai a Estudo persoal > Listas de reprodución.

2. Pulsa o botón Engadir lista de reprodución.

3. Selecciona Crear lista de reprodución ou Importar lista de reprodución.

   • Crear lista de reprodución: Escribe un nome para a lista e pulsa Crear.

   • Importar unha lista de reprodución: Utiliza o buscador de arquivos do teu dispositivo para atopar e importar unha lista de reprodución que xa exista.

Engadir elementos a unha lista de reprodución

Vídeos, música e outros arquivos de audio da aplicación

1. Pulsa o botón Máis nun vídeo ou nun audio.

2. Selecciona Engadir á lista de reprodución.

3. Escolle unha lista de reprodución que xa exista ou selecciona a opción Crear lista de reprodución para engadir ese elemento a unha lista nova.

Imaxes da aplicación

1. Pulsa na imaxe.

2. Pulsa o botón Engadir á lista de reprodución.

3. Escolle unha lista de reprodución que xa exista ou selecciona a opción Crear lista de reprodución para engadir ese elemento a unha lista nova.

Elementos doutras fontes

Podes engadir calquera vídeo, audio ou imaxe a unha lista de reprodución.

1. Vai á sección “Listas de reprodución”.

2. Abre unha lista de reprodución que xa exista.

3. Pulsa o botón Importar arquivo.

4. Usa o buscador de arquivos do teu dispositivo para localizar e importar un elemento.

Cambiar o nome

Cambiar o nome dunha lista de reprodución:

• Se estás na páxina “Listas de reprodución”, pulsa o botón Máis (os tres puntiños) dunha lista, selecciona Cambiar nome e introduce un nome novo.

• Se estás nunha lista de reprodución, pulsa o botón Cambiar nome e introduce o nome novo.

Cambiar o nome dun elemento dunha lista de reprodución:

1. Pulsa o botón Máis nun elemento.

2. Selecciona Cambiar o nome e introduce o nome novo.

Cambiar a orde dos elementos nunha lista de reprodución

• Arrastra e solta os elementos na lista para cambiar a orde.

Cambiar a acción de inicio

Cando se abre un elemento dunha lista comeza a reproducirse de inmediato. Podes cambiar a acción de inicio na “Configuración”. As opcións son Reproducir e Deter.

Cambiar a acción final

Para cambiar o que ocorre cando unha lista de reprodución chega ó final:

1. Pulsa o botón Acción final.

2. Selecciona unha acción final diferente.

A acción final por defecto é Continuar. Podes cambiar a acción por defecto na “Configuración”.

A opción Recortar permíteche reproducir un anaco dun vídeo ou dun audio máis grande.

1. Selecciona o botón Máis nun elemento dunha lista de reprodución e logo pulsa Recortar.

   Ou se estás reproducindo un elemento, pulsa o botón Opcións e logo selecciona Recortar.

2. Usa as marcas na liña de tempo para seleccionar o punto de inicio e final.

   Para ter un punto de inicio ou de final máis preciso, mantén pulsada a marca de inicio ou de final.

3. Usa o botón Reproducir para ver unha vista previa do elemento recortado.

Podes compartir unha lista de reprodución con outras persoas usando a función Compartir.

• Se estás na sección “Listas de reprodución”, pulsa o botón Máis dun elemento, despois pulsa Compartir e escolle unha das opcións.

• Se estás nunha lista de reprodución, pulsa o botón Compartir e escolle unha das opcións.

Os atallos de teclado permítenche navegar entre os elementos dunha lista de reprodución.