A que loitas te enfrontas cada día? Es un cabeza de familia que ten que atender moitas responsabilidades á vez? Es un pai ou unha nai que cría só os seus fillos e ten que traballar duro para chegar a fin de mes? Es un mozo que sofre acoso na escola? Enfróntaste a problemas de saúde ou á vellez? Todos temos as nosas loitas. Moitos cristiáns encaran varios destes desafíos ó mesmo tempo. Pero sabemos que Xehová pronto nos vai liberar destes problemas (2Co 4:16-18).

Ata que chegue ese momento, consólanos saber que Xehová entende as nosas loitas, valora a nosa lealdade e aguante, e ten preparadas grandes bendicións para nós (Xer 29:11, 12). Xesús tamén se interesa persoalmente por nós. Namentres cumprimos coas nosas responsabilidades cristiás, el prométenos: “Estarei sempre convosco” (Mt 28:20). Cando dedicamos tempo a reflexionar na futura liberación que traerá o Reino de Deus, facemos máis forte a nosa esperanza e determinación de aguantar os desafíos que temos agora (Rm 8:19-21).

DESPOIS DE VER O VÍDEO MANTÉN A VISTA FIXA EN XESÚS NAMENTRES SE ACHEGA A TORMENTA. FUTURAS BENDICIÓNS DO REINO, RESPONDE AS SEGUINTES PREGUNTAS:

• Como se afastou de Deus a humanidade, e con que resultado?

• Que futuro lles espera ós que lle son fieis a Xehová?

• Por que será posible ese marabilloso futuro?

• Que bendicións do novo mundo que Deus prometeu esperas con ilusión?