Durante o mes de setembro, faremos un esforzo especial para ofrecer cursos da Biblia a tódalas persoas usando o folleto Desfruta da vida para sempre! Teremos a opción de ser pioneiros auxiliares facendo 30 horas. Como realizaremos esta campaña especial?

• Na primeira visita: Usa a cuberta posterior do folleto para crear curiosidade na persoa e intenta demostrar como é un curso da Biblia. Acórdate dos que demostraron interese no pasado, incluíndo as túas revisitas. Aínda que antes rechazasen un curso da Biblia, poida que agora lles pareza interesante o novo folleto ou o novo método. Non deixes o folleto nas casas onde non hai ninguén nin tampouco llo envíes a quen non demostrou interese. O Comité de Servizo da congregación poderá organizar máis reunións para predicar durante ese mes.

• Outras ocasións: Se na túa congregación se predica con carriños, expoñerase o folleto Desfruta da vida para sempre! Explícalles ás persoas que, xunto co folleto, tamén poden recibir un curso da Biblia gratuíto. Durante a conversa, demostra brevemente en que consiste o curso ou queda coa persoa para demostrarllo noutro momento. Tamén poderías ofrecer cursos da Biblia ós teus compañeiros de traballo ou a persoas ás que lles prediques informalmente. O superintendente da predicación pode pedirlles a algúns publicadores hábiles que vaian ós negocios do territorio e ofrezan cursos da Biblia.

Xesús mandounos: “facede discípulos […] ensinándolles” (Mt 28:19, 20). Esta campaña especial pode axudarnos a cumprir este mandato usando o manual Desfruta da vida para sempre!