1. Que fai a persoa que está arrepentida?

 CANDO facemos algo que está mal, é moi importante que nos arrepintamos. Segundo a Biblia, a persoa que está arrepentida empeza a odiar o mal que fixo, deixa de actuar desa maneira e está decidida a non repetir ese erro (ver a entrada “arrepentimento” do Glosario).

 2. Por que todos temos que aprender sobre o arrepentimento? (Nehemías 8:9-11).

² Tódolos seres humanos temos que aprender sobre o arrepentimento. Por que? Porque pecamos tódolos días. Como somos descendentes de Adán e Eva, todos pecamos e morremos (Rom. 3:23; 5:12). Ninguén se libra desta herdanza. Incluso homes de gran fe, como o apóstolo Paulo, loitaron contra o pecado (Rom. 7:21-24). Pero iso non significa que teñamos que pasar todo o día sentíndonos mal porque somos pecadores. Xehová é misericordioso e quere que sexamos felices. Pensa nos xudeus do tempo de Nehemías (le Nehemías 8:9-11). Deus non quería que se sentisen esaxeradamente tristes polos seus pecados, senón que o servisen con alegría. El sabe que arrepentirnos axúdanos a sentirnos felices, e por iso nos ensina sobre o arrepentimento. Se nos arrepentimos dos nosos pecados, podemos estar seguros de que o noso Pai, que é moi misericordioso, perdoaranos.

 3. Que imos analizar neste artigo?

³ Neste artigo aprenderemos máis sobre o arrepentimento. Primeiro, veremos o que lle ensinou Xehová a Israel acerca deste tema. Despois, falaremos de como lles axudou Xehová ás persoas a arrepentirse. Por último, analizaremos o que aprenderon do arrepentimento os seguidores de Xesús.

 O QUE XEHOVÁ LLE ENSINOU A ISRAEL SOBRE O ARREPENTIMENTO

 4. Que lle ensinou Xehová a Israel sobre o arrepentimento?

⁴ Cando Xehová converteu os israelitas no seu pobo, fixo un pacto con eles. El prometeulles que, mentres obedecesen as súas leis, protexeríaos e bendiciríaos. E aseguroulles: “Este mandamento que eu che mando hoxe non é imposible para ti nin che resulta inaccesible” (Deut. 30:11, 16). Pero se se rebelaban contra el, escollendo por exemplo adorar outros deuses, perderían a súa aprobación e sufrirían as consecuencias. Significaba isto que, se chegaban ata ese punto, nunca máis poderían recuperar o favor de Xehová? Non, pois a Lei dicía que tiñan a posibilidade de volver onda el e escoitar a súa voz (Deut. 30:1-3, 17-20). Noutras palabras, podían arrepentirse. Se o facían, Xehová traeríaos de volta e bendiciríaos de novo.

 5. Como lle demostrou Xehová ó seu pobo rebelde que non o dera por perdido? (2 Reis 17:13, 14).

⁵ O pobo escollido de Xehová rebelouse unha e outra vez contra el. Ademais de practicar a idolatría, fixeron outras cousas horribles. E claro, sufriron as consecuencias. Pero Xehová non os deu por perdidos, senón que lles mandou vez tras vez profetas para animalos a arrepentirse e a volver a el (le 2 Reis 17:13, 14).

 6. Como usou Xehová os seus profetas para ensinarlle ó pobo a importancia de arrepentirse? (Ver tamén a imaxe).

⁶ Xehová a miúdo mandaba profetas para advertir o seu pobo e para corrixilo. Por exemplo, por medio de Xeremías, díxolle: “Volve, oh, rebelde Israel [...]. Non vos mirarei con ira, porque son leal [...]. Non estarei resentido para sempre. Só recoñece a túa culpa, porque te rebelaches contra Xehová” (Xer. 3:12, 13, TNM). Mediante Xoel, dixo: “Convertédevos a min de todo corazón” (Xoel 2:12, 13). Fixo que Isaías declarase:  “Limpádevos; quitade da miña vista os vosos actos de maldade; deixade de facer cousas malas” (Is. 1:16-19, TNM). E, por medio de Ezequiel, preguntou: “¿É acaso verdade que sinto eu pracer coa morte do malvado, [...] e non en que se converta do seu camiño e que viva? Non sinto eu pracer pola morte do que morre [...] ¡Convertédevos e viviredes!” (Ezeq. 18:23, 32). Xehová séntese moi feliz cando ve que alguén se arrepinte, porque quere que todos vivamos para sempre. Como vemos, el non senta cos brazos cruzados, por así dicilo, a esperar ata que a persoa decida volver e só entón lle ofrece axuda. Vexamos algúns exemplos máis.

 7. Que lle ensinou Xehová ó pobo co exemplo do profeta Oseas e a súa muller?

⁷ Fixémonos no que Xehová lle ensinou ó seu pobo mediante o exemplo do profeta Oseas e da súa muller, Gomer. Ela cometeu adulterio e tempo despois abandonou a Oseas por outros homes. Viuna Xehová como un caso perdido? El, quen pode ler os corazóns, díxolle a Oseas: “‘Volve outra vez, e ama unha muller que ten un querido e comete adulterio’. Así é o amor do Señor ós fillos de Israel, mentres eles se están volvendo ós deuses alleos” (Os. 3:1; Prov. 16:2). Non hai que esquecer que Gomer aínda estaba cometendo un pecado grave. Pero Xehová díxolle a Oseas que tomase a iniciativa de perdoala e de reconciliarse con ela. a Con este exemplo da vida real, Xehová ensinoulle ó seu pobo que non os dera por perdidos. Aínda que seguían cometendo pecados terribles, el non os deixara de querer. Ademais seguiu mandándolles profetas e axudándolles a arrepentirse e a cambiar a súa vida. Significa isto que Xehová, que analiza os corazóns, tratará de axudarlle a arrepentirse a alguén que aínda está cometendo un pecado grave? (Prov. 17:3) Imos velo.

COMO LLES AXUDA XEHOVÁ ÓS PECADORES A ARREPENTIRSE

 8. Que fixo Xehová para axudarlle a Caín a arrepentirse? (Xénese 4:3-7) (Ver tamén a imaxe).

⁸ Caín foi o primeiro fillo de Adán e Eva. El herdou deles a tendencia a pecar. Ademais, a Biblia di del: “Os seus feitos eran do demo” (1 Xoán 3:12). Quizais isto explica por que Xehová non mirou con bos ollos “para Caín e para a súa [ofrenda]” cando ofreceu un sacrificio. Pero, en vez de cambiar a súa actitude, Caín “anoxouse moito, e andaba coa cara carraxenta”. Que fixo Xehová? Falou con el (le Xénese 4:3-7). Xehová razoou con Caín de forma cariñosa. Aseguroulle que podía recuperar a súa aprobación e advertiulle do perigo da súa mala conduta. Tristemente, Caín non escoitou a Xehová nin deixou que lle axudase a arrepentirse. Despois desta resposta tan negativa, decidiu Xehová que nunca máis volvería axudarlle a alguén a arrepentirse? Por suposto que non!

 9. Como lle axudou Xehová a David a arrepentirse?

⁹ Xehová amaba moitísimo o rei David. Falando del dixo que era “un home que lle agrada ó meu corazón” (Feit. 13:22). Pero este rei cometeu pecados moi graves, como o adulterio e o asasinato, e segundo a Lei mosaica merecía morrer (Lev. 20:10; Núm. 35:31). Pero Xehová,  como é moi bo, interveu e enviou o profeta Natán para que falase con el, aínda que David non mostrara ningún sinal de arrepentimento. b Este profeta utilizou unha comparación para chegarlle ó corazón a David. Entón, o rei deuse conta de que pecara contra Xehová e arrepentiuse (2 Sam. 12:1-14). Escribiu un salmo moi emotivo que demostra o mal que se sentiu (Sal. 51:2 [51, encabezamento, TNM). Ó longo da historia, este salmo consolou moitísimas persoas que pecaron e motivounas a arrepentirse. Verdade que nos alegra saber que Xehová lle axudou con cariño ó seu querido servo David a arrepentirse?

10. Como te fai sentir saber que Xehová é paciente con nós e nos perdoa?

¹⁰ Xehová non tolera ningún tipo de pecado, senón que os odia todos (Sal. 5:5, 6 [5:4, 5, TNM]). Pero sabe que somos pecadores e, como nos quere, decidiu axudarnos a loitar contra o pecado. Sempre intenta axudarlles incluso ós peores pecadores a arrepentirse e acercarse a el. Canto nos consola saber isto! Cando meditamos na paciencia e no perdón de Xehová, sentímonos motivados a manternos fieis e a arrepentirnos enseguida cando cometemos un pecado. Vexamos agora o que aprenderon os seguidores de Xesús sobre o arrepentimento.

O QUE APRENDERON OS SEGUIDORES DE XESÚS SOBRE O ARREPENTIMENTO

11, 12. Que comparación usou Xesús para ensinarnos que Xehová sempre está disposto a perdoarnos? (Ver tamén a imaxe).

¹¹ No século primeiro, chegara o momento de que viñese o Mesías. Como vimos no artigo anterior, Xehová usou tanto a Xoán o Bautista coma a Xesucristo para ensinarlles ás persoas a importancia de arrepentirse (Mat. 3:1, 2; 4:17).

¹² Durante o seu ministerio, Xesús ensinou que seu Pai sempre está disposto a perdoar. Deixou isto claro cando  contou a emotiva comparación do fillo perdido. Este home novo decidira marchar da casa e levar unha vida sen control. Pero, despois dun tempo, recapacitou e volveu á casa. Como reaccionou seu pai? Xesús dixo que, mentres seu fillo “aínda estaba lonxe, o pai viuno e sentiu moita compaixón por el. Botou a correr cara a el, abrazouno e bicouno con cariño”. O fillo ía pedirlle a seu pai que o deixase converterse no seu escravo. Pero seu pai tiña moitas ganas de perdoalo e de aceptalo de novo na familia. Dixo: “Este fillo meu [...] estaba perdido e foi encontrado” (Luc. 15:11-32). Antes de que Xesús viñese á Terra, seguro que viu moitas veces como Xehová lles mostraba compaixón ós pecadores arrepentidos. Por iso puido describir dunha maneira tan bonita e emotiva a misericordia do noso Pai.

13, 14. Que aprendeu o apóstolo Pedro sobre o arrepentimento, e que lles ensinou a outros sobre isto? (Ver tamén a imaxe).

¹³ O apóstolo Pedro aprendeu de Xesús moitas leccións sobre o arrepentimento e o perdón. El cometeu moitos erros, e Xesús sempre estivo disposto a perdoalo. Por exemplo, negou tres veces que coñecía a Xesús, e despois sentiuse moi angustiado pola culpa (Mat. 26:34, 35, 69-75). Pero despois de resucitar, Xesús aparecéuselle a Pedro, ó parecer en privado (Luc. 24:33, 34; 1 Cor. 15:3-5). Xesús sabía que este apóstolo estaba arrepentido, así que seguro que aproveitou a ocasión para consolalo e confirmarlle que o perdoara (ver Marcos 16:7 e a nota de estudo “y a Pedro”, nwtsty-S).

¹⁴ Pedro viviu de primeira man o que é arrepentirse e ser perdoado. Así que puido ensinarlles a outros sobre estes temas.  Tempo despois da Festa de Pentecostés, deu un discurso a unha multitude de xudeus no que lles dixo que eles mataran o Mesías, pero con cariño engadiu: “Polo tanto, arrepentídevos e dade media volta para que os vosos pecados sexan borrados, e así Xehová fará vir tempos para recuperar as forzas e o ánimo” (Feit. 3:14, 15, 17, 19). Con estas palabras, mostrou que quen se arrepinte debe dar media volta, é dicir, cambiar a súa maneira de pensar, deixar o mal camiño e empezar a ir polo bo facendo o que lle agrada a Deus. O apóstolo dixo que Xehová borraría os seus pecados, que os faría desaparecer por completo. E, moitos anos despois, explicou: “Xehová […] é paciente con vós porque non desexa que ningún sexa destruído, senón que todos cheguen a arrepentirse” (2 Ped. 3:9, TNM). Que bonito é saber que Xehová nos pode perdoar por completo, aínda cando cometemos pecados moi graves!

15, 16. a) Como aprendeu Paulo sobre o perdón? (1 Timoteo 1:12-15) b) Que imos analizar no seguinte artigo?

¹⁵ Poucas persoas necesitaron arrepentirse de tantas cousas coma Saulo de Tarso. El perseguira de maneira cruel e sen piedade os seguidores de Cristo. Así que seguro que á maioría deles lles parecía imposible que este home cambiase. Pero Xesús non tiña esa visión tan limitada. Tanto el coma seu Pai se fixaron nas súas boas calidades. Xesús dixo: “Eu escollín este home” (Feit. 9:15). Incluso usou un milagre para axudarlle a arrepentirse (Feit. 7:58–8:3; 9:1-9, 17-20). Tempo despois, cando Saulo se fixo cristián e era coñecido como o apóstolo Paulo, moitas veces deu grazas pola bondade e pola misericordia coa que Xehová e Xesús o trataran (le 1 Timoteo 1:12-15). Cheo de agradecemento, ensinou: “Deus está intentando guiarte con bondade cara ó arrepentimento” (Rom. 2:4, TNM).

¹⁶ Nunha ocasión, Paulo chegou a saber que se armara un escándalo por un problema de inmoralidade sexual na congregación de Corinto. Como tratou o asunto? O que fixo ensínanos moito sobre o amor e a disciplina de Xehová, e sobre a importancia de mostrar misericordia. Imos analizar máis en detalle o relato no seguinte artigo.