Gustaríache aproveitar máis o teu estudo persoal? Podes probar estas ideas para concentrarte mellor:

• Escolle un bo sitio. Se é posible, busca unha zona limpa e con luz suficiente para ler ben. Podes usar un escritorio, unha mesa ou unha zona cómoda no exterior.

• Busca un lugar onde poidas estar só. Xesús escolleu orar “cedo pola mañá” nun “lugar apartado” (Mar. 1:35). Se non che é posible estar completamente só, poderías dicirlles ós teus familiares ou ós teus compañeiros de vivenda cal é o teu horario de estudo e pedirlles que non te molesten.

• Mantente concentrado. Evita distraccións. Se usas un teléfono ou unha tableta para estudar, silencia as alertas ou proba usar o modo avión para evitar interrupcións. E se te acordas de que tes que facer algo, anótao para non esquecerte e faino máis tarde. Se che resulta difícil concentrarte, descansa un pouco e aproveita para camiñar ou estirar.