Que pasou co respecto por un mesmo?
POR QUE É IMPORTANTE RESPECTARSE A UN MESMO
As persoas que se respectan a si mesmas poden enfrontarse con confianza ós problemas da vida e non se renden facilmente.
-
Os estudos mostran que os que non teñen un bo concepto de si mesmos son propensos a sufrir ansiedade, depresión e trastornos alimenticios. Tamén é máis probable que abusen do alcohol, dos medicamentos ou que consuman drogas.
-
As persoas que se respectan a si mesmas evitan compararse con outros, o que lles facilita levarse ben cos demais e conseguir amizades fortes. Por outro lado, é máis probable que os que non se respectan sexan críticos, e isto dana as relacións.
-
Incluso cando se enfrontan a problemas, as persoas que teñen unha boa autoestima mantéñense fortes e non permiten que os contratempos lles impidan alcanzar as súas metas. Pero os que teñen pouca autoestima ven os seus pequenos fallos moito máis grandes do que son en realidade, e iso pode facer que se rendan máis facilmente.
QUE PODES FACER TI
Escolle amigos que te fortalezan. Faite amigo de persoas respectuosas, que se preocupen de verdade por ti e que te poidan fortalecer.
Axúdalles a outros. Cando es amable e fas cousas por outros, incluso polos que non che poden devolver o favor, encontras a verdadeira felicidade que obtés ó dar. Serás feliz aínda se os demais non se dan conta do que fas.
Axúdalles ós teus fillos a ter unha boa autoestima. Unha maneira de facelo é permitíndolles resolver os seus problemas, na medida na que poidan. Así saberán como enfrontarse ós problemas e como solucionalos. Se o conseguen, terán máis respecto por si mesmos e isto seralles moi útil cando sexan adultos.
QUE ESTAMOS FACENDO AS TESTEMUÑAS DE XEHOVÁ
As reunións e o programa de estudo da Biblia das Testemuñas de Xehová axúdanlles ás persoas a mellorar a súa vida e a súa autoestima.
AS NOSAS REUNIÓNS SEMANAIS
Nas nosas reunión semanais desfrutamos de escoitar conferencias baseadas na Biblia que moitas veces inclúen ideas para mellorar a autoestima. Son gratuítas e pode asistir quen queira. Por exemplo, nelas aprenderás...
-
... por que es importante para Deus
-
... como encontrar o propósito da vida
-
... como conseguir amizades fortes e duradeiras
Tamén encontrarás verdadeiros amigos que se preocupan “por igual uns dos outros” (1 Corintios 12:25, 26).
Para aprender máis sobre as nosas reunións, busca en jw.org o vídeo curto Como son as nosas reunións?
O NOSO CURSO DA BIBLIA
Ofrecemos cursos bíblicos interactivos e gratuítos usando o libro Desfruta da vida para sempre! Neste curso destácanse textos da Biblia prácticos que se analizan cun mestre usando preguntas. Tamén inclúe vídeos interesantes e ilustracións moi bonitas. Este curso axúdalles ás persoas a mellorar a súa vida e a respectarse máis a si mesmas.
Para ver como che pode axudar estudar a Biblia coas testemuñas de Xehová, busca en jw.org o vídeo curto Por que estudar a Biblia?
Pode que tamén che guste
QUEN SOMOS
Solicita unha visita
Atopa as respostas que dá a Biblia ou aprende máis acerca das Testemuñas de Xehová.
