ESTADE SEMPRE VIXIANTES!
2022: Un ano cheo de problemas. O que di a Biblia
Durante o 2022 houbo moitísimas noticias sobre guerras, problemas económicos e desastres medioambientais. Só a Biblia explica o que significan en realidade estes sucesos.
O verdadeiro significado do que sucedeu no 2022
O que pasou durante este ano demostra máis claramente que estamos vivindo no que a Biblia chama os “días derradeiros”, ou últimos días (2 Timoteo 3:1). Este período de tempo comezou no ano 1914. Fíxate en como os sucesos actuais coinciden co que a Biblia predixo para o noso tempo:
“Guerras” (Mateo 24:6).
“O 2022 foi o ano no que o horror da guerra volveu a Europa.” a
Mira o artigo “Rusia invade Ucraína”.
“Fame” (Mateo 24:7).
“2022: Un ano de fame sen precedentes.” b
Mira o artigo “A guerra de Ucraína empeora a crise alimentaria”.
“Pestes” (Lucas 21:11).
“A polio volveu a aparecer, a varíola do mono converteuse nun gran problema e a COVID-19 segue facendo moito dano. Todo isto deixou claro o perigosas que son as enfermidades contaxiosas e o vulnerables que somos os seres humanos.” c
Mira o artigo “Máis de 6 millóns de mortos pola COVID-19”.
“Cousas espantosas” (Lucas 21:11).
“Ondas de calor, secas, incendios forestais e inundacións. Sen dúbida, o verán do 2022 será recordado polos moitos fenómenos meteorolóxicos extremos que houbo. Estes fenómenos causaron moita destrución, acabaron coa vida de miles de persoas e fixeron que millóns de persoas de todo o mundo perdesen os seus fogares.” d
Mira o artigo “Récords de temperatura por todo o mundo”.
“Desordes [ou disturbios, revoltas]” (Lucas 21:9).
“O enfado da xente polos problemas económicos, especialmente por causa do aumento da inflación, fixo que durante o 2022 houbese grandes protestas contra os gobernos.” e
Mira o artigo “Aumento descontrolado da inflación mundial”.
Que ocorrerá o ano que vén?
Ninguén pode saber con seguridade o que pasará no ano 2023. O que si sabemos é que o Reino de Deus, un goberno celestial, pronto fará grandes cambios por toda a Terra (Daniel 2:44). Este goberno acabará con todo o que fai sufrir as persoas e asegurarase de que se faga a vontade de Deus na Terra (Mateo 6:9, 10).
Animámoste a seguir o consello de Xesús de estar sempre alerta para ver como os acontecementos mundiais cumpren as profecías da Biblia (Marcos 13:37). Se o desexas, contacta con nós para saber como a Biblia pode axudarche xa agora, e tamén darche a ti e á túa familia a esperanza real de que haberá un futuro mellor.
a AP News, “2022 Was Year the Horror of War Returned to Europe”, de Jill Lawless, 8 de decembro de 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X”, de Lawrence O. Gostin, JD, 22 de setembro de 2022.
d Earth.Org, “What’s Behind the Record-Breaking Extreme Weather Events of Summer 2022?”, de Martina Igini, 24 de outubro de 2022.
e Carnegie Endowment for International Peace, “Economic Anger Dominated Global Protests in 2022”, de Thomas Carothers e Benjamin Feldman, 8 de decembro do 2022.
Pode que tamén che guste
PREGUNTAS SOBRE A BIBLIA
Cal é o sinal dos últimos días ou dos “días derradeiros”?
A Biblia predixo moitos sucesos que, en conxunto, identificarían os últimos días.
ENSINANZAS BÁSICAS DA BIBLIA
Que é o Reino de Deus?
Cando estivo na terra, a principal ensinanza de Xesús foi o Reino de Deus. Durante séculos, os seus seguidores oraron para que o Reino viñese.
ENSINANZAS BÁSICAS DA BIBLIA
O Reino de Deus empezou a gobernar en 1914
Hai uns 2600 anos, un poderoso rei tivo un soño profético inspirado por Deus que se está cumprindo na actualidade.
QUEN SOMOS
Solicita unha visita
Atopa as respostas que dá a Biblia ou aprende máis acerca das Testemuñas de Xehová.
