ESTADE SEMPRE VIXIANTES!
Violencia con armas de fogo por todo o mundo. O que di a Biblia
Durante xullo de 2022, houbo sucesos terribles por todo o mundo relacionados coa violencia con armas de fogo:
“O asasinato do político máis coñecido do Xapón, o exprimeiro ministro Shinzo Abe, sacudiu o país e conmocionou o resto do mundo, especialmente tendo en conta os baixos niveis de crimes violentos que hai nese país e as súas estritas leis sobre as armas” (10 de xullo de 2022, The Japan Times).
“Dinamarca en estado de shock despois de que un home armado matase tres persoas nun centro comercial de Copenhague” (4 de xullo de 2022, Reuters).
“Uns homes armados matan 15 persoas nun bar no municipio de Soweto, en Suráfrica” (10 de xullo de 2022, The Guardian).
“Durante o fin de semana no que se celebraba o 4 de xullo, morreron máis de 220 persoas nos Estados Unidos debido á violencia con armas de fogo” (5 de xullo de 2022, CBS News).
Podemos esperar que esta clase de violencia termine algún día? Que di a Biblia?
O fin da violencia
A Biblia chámalle ó tempo no que vivimos os “días derradeiros”, ou últimos días, e di que as persoas serían feroces, e que farían cousas salvaxes e crueis (2 Timoteo 3:1, 3). Este comportamento violento fai que a xente viva con medo (Lucas 21:11). Pero a Biblia promete que chegará o día no que deixará de existir a violencia, e a xente “vivirá nun campo de paz, en casas seguras” (Isaías 32:18). Como sucederá isto?
Deus acabará coas persoas malvadas e destruirá tódalas armas.
“Os malvados serán desbotados da terra” (Proverbios 2:22).
Deus “acaba coas guerras por toda a terra. Rompe o arco e esnaquiza a lanza, queima os carros militares no lume” (Salmo 46:9, TNM).
Deus ensinaralles ás persoas a vivir en paz e así acabará con toda a violencia.
“Ningún será malvado nin fará o mal en todo o meu monte santo: o país estará cheo de coñecemento do Señor, o mesmo que as augas enchen o mar” (Isaías 11:9).
Deus xa lles está ensinando a algunhas persoas por todo o mundo a evitar as armas e a violencia, cumprindo así as seguintes palabras da Biblia: “Na forxa as súas espadas volveranse aixadas; e as súas lanzas, podadeiras” (Miqueas 4:3).
Para saber máis da promesa que fai a Biblia de que viviremos nun mundo sen medo, le o artigo “¿Es posible librarse del miedo?”.
Para saber máis acerca de como a violencia será eliminada para sempre, le o artigo “¡Por fin paz en la Tierra!”.