Teño que facerme testemuña de Xehová se acepto un curso da Biblia?
Non, non te compromete a nada. Millóns de persoas estudan a Biblia con nós e non se fan testemuñas de Xehová. a O obxectivo dos nosos cursos bíblicos é explicar o que ensina a Biblia. Como a fe é unha cousa persoal, ti decides o que facer co que aprendes (Xosué 24:15).
Podo usar a miña propia Biblia durante o curso?
Por suposto. Nós usamos a Traducción del Nuevo Mundo de las Santas Escrituras, que está dispoñible en moitos idiomas, e podemos darche un exemplar gratuíto se o desexas. Pero se o prefires, podes usar a túa propia Biblia. A mensaxe de esperanza e salvación da Biblia pode aprenderse con case calquera tradución.
Por que impartides cursos a xente que non se fai testemuña de Xehová?
A razón principal é o noso amor a Deus. El quere que os cristiáns ensinen a outros o que aprenden (Mateo 22:37, 38; 28:19, 20). Pensamos que non hai nada mellor que colaborar con Deus axudando a outras persoas a aprender o que ensina a Biblia (1 Corintios 3:6-9).
Tamén o facemos por amor ó próximo (Mateo 22:39). Encántanos compartir con outras persoas as cousas marabillosas que aprendemos (Feitos 20:35).
a Por exemplo, no 2023 impartimos 7.281.212 cursos da Biblia ó mes, e a moitos deles asistiron varias persoas. Aínda así, só 269.517 se fixeron testemuñas de Xehová ese ano.
Pode que tamén che guste
QUEN SOMOS
Como é un curso da Biblia?
Por todo o mundo, ás testemuñas de Xehová coñéceselles polos cursos da Biblia que ofrecen. Descobre como son estes cursos.
PREGUNTAS FRECUENTES
Como son os cursos da Biblia que ofrecen as testemuñas de Xehová?
Co curso da Biblia interactivo e gratuíto das testemuñas de Xehová, poderás usar calquera tradución da Biblia e invitar a calquera familiar ou amigo que desexes.
