Unha muller do equipo medioambiental analiza o valor de pH da auga do estanque de retención que está preto da entrada principal. Estas probas axudan a garantir que as medidas de control dos contaminantes funcionan ben.

Unha muller aprende a instalar paneis de protección contra as inclemencias do tempo. As paredes exteriores están formadas por unha fachada de ladrillo, illamento e estes paneis de protección climática.

Unha apisoadora compacta a base dunha estrada para asfaltala despois. Esta sección de estrada a carón do edificio de produción sur forma parte da circunvalación do complexo da nova sucursal.

Vista aérea dende o noroeste. A recepción do edificio de oficinas estará na zona que ocupa o guindastre que se ve en primeiro plano. Á súa dereita está a base do edificio de oficinas e á esquerda os cimentos da cociña, o comedor e o auditorio. Na parte superior á dereita, podemos ver o miradoiro que se recolocou para que os visitantes teñan unha vista panorámica das obras.

Uns guindastres colocan as vigas de aceiro do teito para formar a estrutura da cociña, do comedor e do auditorio do edificio de oficinas.

Unha muller do equipo de medio ambiente supervisa as obras de escavación a carón dunha árbore. Os paisaxistas colocarán unha barreira de protección arredor da súa raizame para evitar danar a árbore. Algunhas zonas limítanse para non construír nelas e así protexer as raíces doutras árbores.

Un paisaxista coloca céspede na beira dun camiño. As estacas manteñen a herba no seu sitio namentres as raíces non prenden.

Unha pintora colorea o número de identificación nos paneis decorativos do terceiro andar. No mes seguinte, os traballadores comezarán a mudarse ó edificio de vivendas D.

Unha empresa contratada instala paneis prefabricados nas escaleiras do edificio.

Uns instaladores de placas de xeso laminado empregan plataformas elevadoras de tesoiras para colocar a estrutura metálica da parede do corredor. Á dereita hai un elevador que emprega o equipo de mecánica para instalar o sistema de climatización.

Unhas traballadoras do equipo de mecánica colocan abrazadeiras para cinguir os tubos debaixo da recepción do edificio de oficinas.

Uns traballadores colocan unha canle de drenaxe entre os edificios de produción norte e sur.

Unha empresa contratada coloca a derradeira sección do parapeto do teito do comedor. O soportal inferior leva ó edificio de vivendas A.

Uns guindastres colocan as tesoiras de aceiro deste edificio que albergará talleres e oficinas.

Vista aérea dende o noroeste. Na parte central á dereita, vese o edificio de produción sur, no que xa está completa a estrutura de aceiro e están a instalar as paredes exteriores. En primeiro plano vense as obras do edificio de produción norte. Xa está botado o asfalto do chan a carón deste edificio. No centro á esquerda, están o complexo de oficinas, e detrás os edificios de vivendas.

Vista aérea dende o leste, ó amencer. En primeiro plano vense xa rematados os edificios de vivendas D, E e F. Está previsto rematar o edificio de vivendas C en outubro.

Uns traballadores constrúen unha parede arredor do estanque con pedras calcarias. Esta será unha bonita entrada ó complexo de oficinas, que se pode entrever ó fondo tralas árbores.

Uns traballadores colocan a iluminación e o sistema de climatización. Esta oficina habilitouse para organizar e coordinar os traballos dos diferentes equipos.

Uns traballadores colocan os paneis de formigón no edificio de oficinas. O emprego destes paneis prefabricados permitiu acelerar a construción e rematar a estrutura exterior deste edificio a finais de agosto. As grandes fiestras deixan que entre moita luz natural nas oficinas. As fiestras colócanse máis preto do interior e non na liña da fachada para minimizar a calor no verán e o resplandor da luz solar no inverno, cando o sol está máis baixo no horizonte.

Dúas traballadoras preparan estruturas metálicas para ocultar o armazón da cuberta do comedor e do auditorio. Estas paredes minimizarán o ruído cando se traballe nestas dúas estancias á vez.