Watchtower hem masik ak’khea sonvsarant soglea masikam poros chodd chhaplam. Dor mhoineak hea masikacheo 4 kotti 20 lakham poros chodd kopi chhapun bhair sortat. Tachea uprant chodd chhaplolem masik mhunnttlear Awake! Dor mhoineak tacheo 4 kotti 10 lakham poros chodd kopi chhaptat. Jehovachea Sakxeanim toiar kelolim him donui masikam 236 desamnim, lokank vachunk mellttat.

Her masikam vixim kitem? The Association of Magazine Media amkam sangta ki US-achem chodd chhaplolem masik, AARP nanvachea songottnen uzvaddit kelam. Hem masik 50 vorsachea piraiechea lokam pasot asa. Tachi chhapnni sumar 2 kotti 24 lakh zata. Germany-chem ADAC Motorwelt, hea masikachi chhapnni sumar 1 kotti 40 lakh asa. Ani Chinese Gushi Hui (kannio) hea pustokachi chhapnni 54 lakh asa.

Khobram potrancho ankddo polloilo zalear Japanese Yomiuri Shimbun hem khobram-potr chodd chhaplam. Tachi chhapnni 1 kotti poros chodd asa.

Jehovachea Sakxeanchim prokaxonam anik ek ritin khas asa. Him prokaxonam zaitea bhasamnim bhaxantor zatat. Watchtower, hem masik 190 poros chodd bhasamnim ani Awake! hem masik 80 poros chodd bhasamnim bhaxontar zata. Reader’s Digest hem pustok fokot 21 bhasamnim chhaplolem asa, ani tantunt boroiloli mahiti veg-vegllea desamnim veg-veglli asta.

Her masikam poros Watchtower ani Awake! masikanchem bhaxantor ani chhapnni korchem kam, khuxen dilolea dennea udexim zata. Tantunt kosleoch jahirati asonant. Ani him masikam vachpak poixe farik korche poddonant.

Watchtower hem masik amkam Bible-achi somzonni dita. Chodd korun tantunt amkam Devachea Rajea vixim xikounn melltta. 1879 hea vorsa thaun hea masikachi chhapnni suru zali ani aiz poriant ti chalu asa. Awake hem masik vidnean ani soimb oslea vixoi-ancher uloita ani Devacher bhorvonso ghott korta. Toxench hem masik Bible-ant dilole sol’le amchea jivitant koxe uzar korunk zata tem amkam dakhoita.