Hoi. Ami Jezucher patietat. Karonn Jezun mhunnttlem, “Vatt, Sot ani Jivit Hanvuch; Konnuch Bapa-xim vochona bogor Mhoje-vorvim.” (Juanv 14:6) Amkam soddvonn diunk, Jezu sorgar thaun prithumer ailo. Tannem amchea pasot aplem jivit bhettoilem. (Matev 20:28) To amchea pasot melo ani porot jivont zalo dekhun tacher bhavarth dovortat tea soglea lokank sasnachem jivit mellttolem. (Juanv 3:16) Devachea Rajeacho raza mhunn Jezu atam sorgar raj choloita hem-ui ami patietat. Ani tachi razvottki prithumer beginuch xanti haddttoli. (Prokasovnni 11:15) Jezu mhunntta, “Bap Mhoje-von vhodd.” (Juanv 14:28) Hea utrantlean, Jezu Sorpodvedar nhoi mhunn kollon ieta ani takach lagon ami fokot Bapachi, mhunnttlear Jehova Devachi bhokti kortat.