Dusrea dhormanche khubxe lok Bible-a vixim zannam zaunk sodtat mhunn amkam dison ailam. Dor ekleachi patienni veglli asum ieta, ani ami tanchea patiennek man ditat. Amchi patienni ani vichar apnnaunk ami konnacheruch dobav ghalinant.

 Dhorma vixim uloitana, ami Bible-antlo solʼlo apnnaun dusream lagim “dulobaien” ani “mannsugen” uloitat. (1 Pedru 3:16) Thodde lok amchi khobor aikochona mhunn ami zannam. (Matev 10:14) Punn, tanchea lagim uloilea bogor, te aikotole vo na tem amkam koxem kollttolem. Ani ghoddie aiz je lok amchi khobor aikonk sodinant te fuddarak aikonk xoktat.

 Udharonnak, ami eka munxa lagim ulounk sodtat zalear, tea vellar to amchea lagim ulounk pavona astolo. Punn dusrea vellar ami taka porot mellonk gelim zalear to amchea lagim bore bhaxen ulounk xokta. Ani thodde pautt, munxancher kosle-i koxtt vo tras ietat tedna ghoddie, te Bible-ant kitem boroilolem asa tem zannam zaunk fuddem sorot. Takach lagon, ami lokam lagim ekuch pautt nhoi punn porot vochon ulouncho proitn kortat.