Bautizm gheun Jehovache Sakxi zalole Kristanv, je dusreank xubhvortoman porgott korinant ani je sobhe thaun koddsorunk lagleat tankam ami pois korinant. Tachea bodlek, ami tanchea lagim vochon Deva pasot aslolo tancho mog porot vaddouncho proitn kortat.

 Konnem-i ek khor patok kelem mhunn taka sobhentlean bhair kaddttole oxem na. Punn zor ek sakxi porot-porot Bible-antle kaide moddtta ani apli chuk manun ghena, tedna taka sobhentlo bhair ghaltat ani sobhentlo her lok tachea thaun pois ravta. “Hea noxttea monʼxak tumche modlo bhair uddoiat” mhunn Bible sangta.—1 Korintkarank 5:13.

 Zor eka munxak sobhentlo bhair kaddla, punn tachi bail ani bhurgim Jehovachim Sakxi asat, zalear kitem? To ek Jehovacho Sakxi urona dekhun, aplea ghorabeant to dhormik ritin fuddakar gheunk xokona. Punn aplea ghorantlea lokam sangata aslolo tacho sombond ani tachem kazari jivit tuttona.

 Sobhentlean bhair kaddlolea munxan sobhechea mittingent ieunk zata. Taka zai zalear tannem vhoddilam koddlean Bible-a adarit solʼlo-i gheunk zata. Tea munxak porot Jehovacho Sakxi zaunk modot korpacho sobhecho udʼdhex asta. To apli vaitt chal soddun Bible-ant dilolea kaideam pormonnem jieonk proitn korta zalear taka porot ek Jehovacho Sakxi zaunk mellttolem.