Novembr 17, 2023, hea disa Bible—Novo Sonvsar Bhaxantor—Matev tem Prokasovnni Konkani (Roman) bhaxent bhair kaddla. Bharotant, Margao zalʼlea 2023 “Sodanch Pasiens Dakhoum-ia”! hea Pradexik Odhivexonak hajir aslolea 413 zannank hea Bible-achem digital version rokddench mellʼllem. Hacheo chhaploleo kopi pasun beginuch mellttoleo.

Bharotachea poschim doria deger aslolea vattaramnim ravpi 30 lakham poros chodd lok Konkani bhas uloitat. Hi bhas borounk panch veg-veglleo lipi uzar kortat. Bharotant, Goinchea rajeant Konkani (Roman) lipi sumar 5,00,000 lok uzar kortat. Sodheak Konkani (Roman) bhas uloitolea sat sobhamnim 400 poros chodd porgottnnaram asat. Bible-achem hem bhaxantor bhair kaddchea poilim Konkani (Roman) bhaxent ekuch bhaxantor aslem.

Sodanchi Konkani bhas uzar kelea ani bariksannen somzonni melltta tea toren bhaxantor kelam dekhun Jehovachea gunnam vixim borea toren zannam zaunk hem bhaxantor khub faideak poddtta. Eka bhavan oxem mhunnttlem: “Poilinchea bhaxantorant Juanv 21:17-ant oxem aslem, ‘mhojea xelliank chorvak vhor.’ Punn Novo Sonvsar Bhaxantor-ant, ‘mhojea dhakttea menddrank chorvak vhor’ oxem asa. Hantuntlean apleak khalti ravtolea xisanchi Jehovak ani Jezuk kitli kallji asa tem zannam zaunk mhaka modot zata.”

Hea novea bhaxantora pasot ami Jehovachim khub upkari asat. Tachea borea gunnam vixim zannam zaun, zaitim tachea lagim sortolim mhunn amkam khatri asa.—Stotr 25:14.