Jezun oporipurnn munxam pasot aplo jiv bolidan kelo. (Rom. 5:8) Tannem hea toren amchea pasot aplo mog dakhoilo dekhun ami tache khub upkari. Punn ami hem visronk zainam ki Jezu Krist amcheach pasot nhoi, amchea bhavam pasot-ui melo. Amcheach bhaxen oporipurnn aslolea amchea bhav-bhoinnank, Kristan dakhoilo toso mog ami koso dakhounk zata? Tin vatto polloum-ia. Poilem, amchea poros vegllea kullachea vo bhaxechea bhav-bhoinnam lagim sud’dha ami ixttagot kortat. (Rom. 15:7; 2Kor. 6:12, 13) Dusrem, bhav-bhoinnank dukhoita toxem ami uloinant vo vagonant. (Rom. 14:13-15) Xevttak, amchea bhav-bhoinnin amche add patok kelem zalear, ami tankam rokddinch bhokxitat. (Luk. 17:3, 4; 23:34) Hea tin ritimnim ami Jezuchi dekh gheunk khub proitn kelo zalear, Jehovachea besanvan sobha xantin ani ekvottkaien astoli.

ANIK SOBIT ZAIAT!, HO VIDDEO POLLOIAT ANI UPRANT HEA PROSNANCHE ZOBAB BOROIAT:

• Aple sobhe vixim Mikik survatek koxem bhoglem?

• Tachim bhavnam magir kiteak bodol’lim?

• Bhav-bhoinnam vixim aplem chintop bodlunk Mikik Jezuchea udharonnantlean koxi modot mell’lli? (Mk. 14:38)

• Amchea bhav-bhoinnank borea nodren pollounk Mhonn’nneo 19:11 amkam koxem modot korta?