Titak boroilolea potrant Apostl Paulun, Titan ani tornnattea dadleamnim “soglleanch vattamnim borea kornnianchi dekh” dovrunk zai mhunn boroilem. (Tit. 2:6, 7) Uprant teach odheai-ant, Jehovache lok “boreo kornnio korunk sodam aiti” zaunchea pasot tankam xudh-nirmoll keleant mhunn tannem sanglem. (Tit 2:14) Borea korneam modli ek korni mhunnttlear Devachea Rajea vixim porgottop ani xikovop zaun asa. Tumi tornnattim asat zalear, tumi tumchi takot ek sahaiok vo ek niemit pioneer mhunn vavrunk uzar korunk zata kai?—Mho. 20:29.

Tumi ek pioneer mhunn vavrunk sodhtat zalear, tem korunk lagon tumchea jivitant goroz ti manddavoll korat. (Luk. 14:28-30) Udharonnak, purnn-vellachi seva kortana tumcho khorch bhagounk tumi kitem kortolim? He sevent vavrunk tumi korchim poddttolim tim voram tumi koxim purnn kortolim? Tumchea poristhiti vixim Jehovak magnneant sangon, tachea modoti pasot magat. (St. 37:5) Tumchea ievzonneam vixim tumchea avoi-bapaik ani onnbhovi pioneer-ank sangat. Uprant tumche dhei melloun gheunk vavr korat. Tumi kortat tea urbebhorit sevecher Jehova besanv ghaltoloch!

JEHOVAK MAN HADDTTAT TOSLIM TORNNATTIM, HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:

• Pioneer mhunn seva korunk lagon thoddeank kosleo oddchonneo asleo, ani tannim tancho koso fuddo kelo?

• Aplim bhurgim niemit pioneer zaunk avoi-bapaimnim tankam koxi modot korunk zata?

• Porgottnnent kednam voitolim ti manddavoll korun dovrop kiteak gorjechem?

• Eka pioneer-ak sobhentlim bhav-bhoinnam koxim urba ani modot diunk xoktat?

• Pioneer mhunn seva kortat tankam koslim besanvam mellttat?