Itihasant veg-vegllea vellar sorkari odhikareamnim Jehovachea lokank modot kelea. (Ezd. 6:1-12; Est. 8:10-13) Aichea tempar pasun, “dhortoren vo prithumen,” mhunnche amchem kam somzun gheta toslea sorkaramnim, “ar,” mhunnche Devchar Soitana thaun, amcher ‘nodi’ sarke ailole dhumalle ‘gill’lleat.’ (Prok. 12:16) “Taronn” dita to Dev Jehova, aplea lokancher ieta to dhumallo bond korunk kednam-kednam munxanchea odhikareank uzar korunk xokta.—St. 68:20; Mho. 21:1.

Bhavarthak lagon tuka bondkhonnint ghatla zalear kitem? Jehovachi nodor tujer asa mhunn sodanch ugddas dovor. (Ut. 39:21-23; St. 105:17-20) Tujea bhavartha pasot tuka inam mellttoloch ani tujem visvaxiponn sonvsarbhor aslolea bhav-bhoinnank urba dita mhunn tunvem khatri dovrunk zata. —Filp 1:12-14; Prok. 2:10.

KOREANTLEA BHAVANK BONDKHONNI THAUN SUTTKA, HO VIDDEO POLLOIAT ANI SOKOL DILOLEA PROSNANCHE ZOBAB DIAT:

• Zaitea vorsam thaun, Dokxinn Koreantlea hozaramnim bhavank bondkhonnint kiteak ghaltale?

• Korttan ghetlolea khoinchea nirnnoi-ank lagon amchea thoddea bhavank bondkhonnintlean suttka mellchea poilim bhair soronk mell’llem?

• Sonvsarbhor aplea bhavarthak lagon bondkhonnint aslolea amchea bhavank ami koxi modot korunk xoktat?

• Amkam asloli svotontrtai ami koxi uzar korunk zai?

• Korttant melltta tem khoinchem-i zoit, amkam konnak lagon melltta?