2018 thaun lokam khatir aslolea amchea masikant ekach vixoi-acher mahiti melltta. Him soglim masikam Seve Pasot Mukhel Prokaxonancho bhag zaun asat. Tor ami him prokaxonam porgottnni kortana diunk zata. Ami provas kortat tednam vo bazarant voita tednam him masikam gheun vochonk zata. Ami him masikam vaprun Bible obheas korunk zaina hem khorem, punn tim vachun ek munis Deva vixim chodd zannam zaunk fuddem soronk xokta.

Eka munxa lagim ulounk suru kelea uprant ek vers vachat ani aiknnareak avoddtta toslo ek vixoi sangat zo amchea masikant asa. Udharonnak, taka bhurgim asa vo to eka somosecho fuddo korta zalear tumi oxem mhunnonk zata: “Hanvem halinch hea vixoi-acher ek boro lekh vachlolo. Hanv to tuka dakhoum?” To munis to lekh vachunk sodhta zalear tumi taka tem masik diunk zata vo e-mail vo message korun dhaddum ieta. Oxem tumi poile bhettik pasun korum ieta. Fokot prokaxona divop ho amcho dhei nhoi punn masikam dilear ami oxea lokank sodhunk pavtoli jim Deva vixim xikonk sodhtat ani sotachea vatten cholonk axetat.—D.I. 13:48.