5:8, 18, 21

Soddvonn, hem Jehovachem dennem khub mhotvachem zaun asa. Hea dennea udexim, tachea nanvacher haddlolo opman kaddunk, razvottki cholouncho hok’k fokot takach asa hem dakhoun diunk ani razvottki cholounchi tachi rit soglea-von bori asa mhunn dakhounk modot zata. Toxench, soddvonne udexim amkam aiz Jehovache ixtt zaunk modot zata ani Devachem aikotoleank sasnachem jivit mellonk vatt ukti zata.

Soddvonne pasot ami upkari asat mhunn amchean koxem dakhounk zata?

• Somorponn ani bautizm gheun. Hea toren amkam soddvonnecher bhavarth asa ani amkam Jehovachim zaunk khuxi asa mhunn ami dakhoitat

• Devachea Rajeachi bori khobor porgottun. Hea toren Jehovachi dekh gheun amkam soglea torechea lokancho mog asa mhunn ami dakhoitat.—Mt. 22:39; Ju. 3:16

Soddvonne pasot hanv upkari asa mhunn hanvem anik khoinchea ritimnim dakhounk zata?