AMCHEM KRISTI JIVIT
Sosnikaien Vatt Polloun Ravat
Devachea Rajeak tumi kednam thaun rakhon ravleant? Tras aslear pasun tumi sosnikaien pasiens dakhoitat kai? (Rom. 8:25) Thoddea Kristanvank dves sosunk poddla, thoddeank vaitt toren vagoileat, bondkhonnint ghatleat, vo thoddeank mornnachi dhomki pasun dilea. Zaiteank khub temp sosunk poddtta toslea duensank vo zantteponnak tondd diunchem poddlam.
Kosle-i tras aslear pasun amkam vatt polloit ravonk kitem modot korunk xokta? Dispott’tto Bible vachun ani tantunt vachlolea vixoiacher niall korun ami amcho bhavarth ghott korunk zata. Ami amchem dhean amchea bhorvonxeacher dovrunk zai. (2Kor. 4:16-18; Heb. 12:2) Ami Jehova lagim magnnem korun tachi povitr xokti di mhunn magonk zai. (Luk. 11:10, 13; Heb. 5:7) Pasiensan ani khuxalkaien, sosnikai dakhounk amcho mogall bapui amkam modot korunk xokta.—Kol. 1:11; Jak. 1:2, 3.
AMI ‘THIRAIEN DHAVOT RAVONK ZAI’—INAM MELLTTOLOCH MHUNN KHATRI DOVORUNK ZAI, HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:
-
Jivitant “okosmat” kosleo ghoddnneo ghoddonk xoktat? (Up. 9:11, 12)
-
Trasank tondd diunk magnnem amkam koxem modot korta?
-
Ami Jehovache sevent adim kortalim titlem atam korunk xokonant zalear, ami atam korunk xoktat tacher dhean divop kiteak gorjechem?
-
Tumche dolle inamacher dovrat
Inam mellttoloch mhunn khatri dovrunk tumkam kitem modot korta?
