KITEAK GORJECHEM: Taronn zoddun ghetolim zalear, lokamnim Devachem nanv gheun taka ulo marunk zai. (Rom. 10:13, 14) Punn, Bible xikonk toiar zatat tim soglim Jehovachea dorjeam pormonnem jieunk sodhtolim oxem na. Ami porgott’ttana jim konn khoreanich bodol korun Jehovak khuxal korunk sodhtat tankam modot korun amchean amcho moladik vell bore toren uzar korunk zata. Zai titlo temp gelea uprant pasun, ek Bible videarthi gorjechi udorgot korina zalear, ami to obheas bond korun, jim konn Jehova ani tachea songottnnechea lagim ieunk sodhtat tankam modot korunk to vell uzar korunk zai. (Ju. 6:44) Punn, fuddarak to munis thodde bodlav korun, apunn “sasnik jivit zoddunk favo” asa mhunn dakhoita zalear ami sontosan tacho Bible obheas portun suru kortolim. —D.I. 13:48, NW.

HEM KOXEM KORCHEM:

• Sarkem ginean gheunk fuddem sorlo mhunn videartheak xabaski diat.—1Tim. 2:4

• To xikla tem apnnavop kitlem gorjechem tem taka somzaiat.—Luk. 6:46-49

• Jezun sanglole vomp’peache vopare vixim tachea sangata mogan bhasabhas korat, ani to xikta tem apnnaunk taka kitem addaita tea vixim taka chintunk sangat.—Mt. 13:18-23

• Tumi obheas kiteak bond korunk sodhtat tem taka chotraien somzaiat.

• Urba diunk kednam-kednam tumi taka bhett ditolim ani tannem udorgot kelear fuddarak tacho obheas portun suru korunk zata mhunn taka sangat.

VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:

• To videarthi udorgot korinaslo mhunn hea bhasabhasantlean koxem kolltta?

• Bodlav korop gorjeche mhunn tea porgottnnaran taka koso somzailo?

• Videarthea sangata fuddarak portun obheas suru korunk apunn toiar asa mhunn porgottnnaran koxem dakhoun dilem?