Tum ek bautizm gheunk naslolo porgottnnar vo Bible xikta toslo videarthi zalear, tunvem bautizm gheuncho dhei dovorla kai? Tunvem bautizm kiteak gheunk zai? Somorponn ani bautizm ghetlolean Jehova lagim tujem ek khas natem zata. (St. 91:1) Ani amkam taronn melltta. (1Ped. 3:21) Him donui pavlam gheunk tunvem kitem korunk zata?

Bible-ant tum xikta tem sot mhunn khatri korun ghe. Tujea monant kosle-i prosn ietat tednam tancher sodh kor. (Rom. 12:2) Jehovak khuxal korunk tujea jivitant khoinche bodol korunk zai te zannam zav ani tem kor. (Mho. 27:11; Ef. 4:23, 24) Tujea jivitant bodlav korunk Jehova lagim magnnem kor ani tacho adar mag. To apli povitr xokti diun tuka modot kortolo ani tuzo visvas ghott kortolo. (1Ped. 5:10, 11) Jehovache khuxe pormonnem jieunk tum korta ti mhenot funkott voichina. Jehovachea sevent melltta ti khuxalkai ani khoinch mellona!—St. 16:11.

BAUTIZMAK PAVOITA TI VATT, HO VIDDEO POLLOIAT ANI UPRANT HEA PROSNANCHE ZOBAB DIAT:

• Bautizm gheunk thoddea lokamnim koslea oddchonneancho fuddo kelo?

• Tujem jivit Jehovak somorponn korunk tunvem tuzo bhavarth koso ghott korunk zata?

• Bautizm gheunk fuddem soronk thoddeank koxi preronna mell’llea?

• Jehovachi seva korunk vinchun kaddlam tankam koslim besanvam mell’lleant?

• Somorponn ani bautizm mhunnttlear kitem?