Dor disak tumkam koslea oddchonneancho fuddo korunk poddtta? Tumi ek bapui zalear apleo zobabdareo pallunk doddpoddchem poddtta kai? vo tumkam ekleakuch bhurgeancho sambhall korcho poddtta kai? Tumi tornnattim zalear iskolant tumkam her bhurgim tras ditat kai? Tumi zanttim zal’lean vo duent zal’lean tumchi bolaiki bigoddlea kai? Dor ekleak kitem-na-kitem tras astach. Zaitea Kristanvank ekach vellar zaitea trasancho fuddo korcho poddtta. Punn ami zannant ki beginuch hea soglea trasam thaun Dev amkam svotontr kortolo.—2Kor. 4:16-18

Tea mhunnosor, Jehova amche tras somzota, amchea visvaxiponnacho ani sosnikaiecho valor korta ani amkam besanvamnim bhorlolo fuddar ditolo hem zannam zaun buzvonn melltta. (Jer. 29:11, 12) Jezu pasun amche dor ekleache tras somzota. Tor tannem dil’lem kam kortana ‘to amchea sangata asa’ mhunn ami khatri dovrunk zata. (Mt. 28:20) Devachea Rajeant amkam tras asche na, hacher ami thoddo vell kaddun niall kortat zalear amcho bhorvonso ghott zatolo ani atam aslolea trasancho fuddo korunk amkam modot zatoli.—Rom. 8:19-21.

TUMCHE DOLLE JEZUCHER DOVORAT KARONN VADOLL LAGIM PAVLEM!—RAJEACHIM FUDDARACHIM BESANVAM, HO VIDDEO POLLOIAT ANI UPRANT HEA PROSNANCHE ZOBAB DIAT:

• Munxam Deva thaun koxim pois zalim ani tacho porinnam kitem zalo?

• Jehovak visvaxi ravtoleank koslo fuddar mellttolo?

• Ho boro fuddar amkam koso mellttolo?

• Novea sonvsarant tumi khoinchea besanvanchi vatt polloit asat?