Dor vorsa, Jehovachim Sakxi sangata mellon, Ugddas Disak hajir zaunk axeun ravtat. Jehovan dilʼlea soddvonnechea dennea pasot taka mhoima diunk ani tache upkar attounk, Ugddas Disachea poilim ani uprant ietat tea sumanamnim amkam aslolea khas sondhecho ami purnn toren faido ghetat. (Ef. 1:3, 7) Udharonnak, dusreank Ugddas Disa pasot apounnem diunk ami khub vavr kortat. Thoddim bhav-bhoinnam hea vellar sahaiok pioneer seva korunk dhei dovortat. Tim aplea svotachea kamant thodde bodlav korun Mars vo Abril mhoineant 30 vo 50 voram porgottnnechea kamant sartat. Ugddas Disachea mhoineamnim porgottnnechea kamant tumi anik vavr korunk sodhtat kai? Oxem korunk tumkam koxi modot zatoli?

Choddxe pavtti, ami kitem kortolim tem ami adim fuddench tharaitat tednam ami tem kam bore bhaxen korunk pavtat. (Mho. 21:5) Ami atanch thaun toiari korunk suru korunk zai. Karonn Ugddas Disacho mhoino lagim pavot ailo. Tor tumi tumchi porgottnni koxe toren vaddounk zata tea vixim chintat, tumche dhei melloun gheunk tumi kitem korunk zai tem tharaiat, ani tumchea vavracher Jehovachem besanv magat.—1Ju. 5:14, 15.

Ugddas Disachea mhoineamnim tumi tumchi porgottnni koxi vaddounk zata, hea vixim tumi chintla kai?