Ami kiteak toiari korunk zai? Amchi bholaiki okosmat bigddonk xokta ani ami chintinant tea vellar amkam ghoddie hospital-ant vhoronk poddot. Oxem zata tednam zata titlo boro ilaz mellonk, songottnne thaun melltta ti modot ami gheunk zai. Oxem kelear, ami jivitak ani Jehovan rogta vixim dilʼlea kaideak resped ditat mhunn ami dakhoun ditolim.—D.I. 15:28, 29.

Ami koxi toiari korunk zata?

• Magnnem korat ani bariksannen chintun Advance Health Care Directive vo ‘No Blood’ kardd (DPA) bhorat. a Bautizm ghetlolea porgottnnaramnim sobhentlea literature servant-a koddlean svota pasot ‘No Blood’ kardd gheunk zata. Ani tanchim bhurgim 18 vorsam poros lhan piraiechim asat zalear tanche pasot tannim Identity Card (ic) gheunk zata

• Tumi gorbhest asat zalear, tumchea vhoddilam lagim Information for Expectant Mothers (S-401) hem fom magat. Ho dokument, tumi gorbest asat tednam ani tumi bhurgeak zolm ditat tednam ieunk xoktat tea poristhitim vixim bore nirnnoi gheunk tumkam modot kortolo

• Tumchea ilazant tumkam rogta sombondint nirnnoi gheunk poddtta, vo hospital-ant ravonk poddtta zalear tumchea vhoddilank adim fuddench ­kolloiat

Vhoddil amkam koxe modot korunk xoktat? Tumchem ‘No Blood’ kardd bhorunk te tumkam modot korunk xoktat. Punn tumchea pasot te nirnnoi gheunchenant. Vo dor eklean nirnnoi gheunk zai tea vixoi-am vixim te aple svotache vichar tumkam sangchenant. (Rom. 14:12; Gal. 6:5) Tumchea ilazant tumkam rogta sombondit nirnnoi gheunk poddtta mhunn tumi tumchea sobhechea vhoddilank sangtat tednam, te tumchea pasot hea vixim Hospital Liaison Committee-k (HLC) kolloitole.

HLC-ntle bhav amkam koxe modot korunk xoktat? Rogta vixim ami koslo nirnnoi ghetat, tea vixim ilaz ditoleank ani odhikareank somzaunk HLC-ntlea bhavank proxikxonn dilʼlem asta. Tor rogot ghenastana ilaz korunk kosle upai asat hea vixim, amkam ilaz ditoleam lagim te ulounk xoktat. Vo goroz poddlear rogot nastana ilaz korunk toiar asa toslo dotor mellonk te amkam modot korunk xoktat.

ROGOT GHENASTANA ILAZ KORUNK AMI KITEM KORCHEM? HO VIDEO POLLOIAT ANI UPRANT HEA PROSNACHO ZOBAB DIAT:

• Rogta sombondit ilaz korunk poddtta tednam toiar asonk tumkam ho video koso faideak poddlo?

  Your answer