Famil khuxal ravloleo Jehovak zai. (St. 127:3-5; Up. 9:9; 11:9) Punn sonvsarantlea oddchonneank lagon ani familintlim chuki kortat tednam ami niraxi zaunk xoktat. Tor amchea modlea dor eklean familichi khuxalkai vaddounk kitem korunk zata?

Ek ghov aplea bailek manan lekhta. (1Ped. 3:7) To tichea sangata vell sarta. Tiche lagim kitem korunk zaina, tachi to opekxa korina. Ani ti tachea pasot, toxench famili pasot jem kitem korta taka lagon to upkari asta. (Kol. 3:15) To ticho mog korta mhunn tika sangta, ani tichi tokhnnai korta.—Mho. 31:28, 31.

Ek bail, dor eke vatten aplea ghovak tenko dita. (Mho. 31:12) Ti taka khalti ravta, ani tachea soglea kamamnim taka sangat dita. (Kol. 3:18) Ti tache lagim doiall toren uloita, ani tache vixim borem uloita.—Mho. 31:26.

Avoi-bapui aplea bhurgeam sangata vell sartat. (D.S. 6:6, 7) Tim tancho mog kortat mhunn tankam sangtat. (Mt. 3:17) Ani xist ditana tim tankam mog ani somjikai dakhoitat.—Ef. 6:4.

Bhurgim aplea avoi-bapaik resped ditat, ani tancheo adnea pallttat. (Mho. 23:22) Aplea chintnam ani bhavnam vixim tim tankam sangtat. Ani avoi-bapai thaun melltta ti xist manun, tim tankam resped dakhoitat.—Mho. 19:20.

KUTTUMBANT KHUXALKAI VADDOIAT, HO VIDEO POLLOIAT ANI UPRANT HEA PROSNACHO ZOBAB DIAT:

Familint khuxalkai vaddounk dor eklean kitem kelem?