Fokot Devachench Raj munxakullache tras kaddun uddounk xokta mhunn lokank sangonk, ami Setembr mhoineant khas proitn kortolim. (Mt. 24:14) Hantunt bhag gheunk tumi kitem korunk zata? Tumchea vattarant, zata titlea lokank Devachea Rajea vixim aslolem ek vers vachun dakhounk proitn korat. Konnui aikonk umed dakhoita zalear, tea munxak, The Watchtower No. 2 2020, hea jahir masikechi ek kopi diat. Uprant taka rokddich porot bhett korat ani Sasnak Khuxalkaien Jieiat! hea pustikentlean, Bible obheas korunk proitn korat. Setembr mhoineant sahaiok pioneer korpi porgottnnarank, 15 vo 30 voram porgottnni korchi sondhi mellttoli.

Beginuch Devachem Raj aplo virodh korta tea soglea sorkarancho nas kortolem. (Dan. 2:44; 1Kor. 15:24, 25) Tor Jehovak ani tachea Rajeak ami tenko ditat mhunn dakhounk, he khas sondhecho ami purnn toren faido gheum-ia!