AMCHEM KRISTI JIVIT
Tim Amchi Seva Korunk Khub Vavurtat
Sorkittachi dekhrekh korpi bhav ani tancheo bailo amchi seva kortana, tancho svarth naslolo mog amkam dison ieta. Amchea bhaxen tankam pasun svotacheo gorzo asat. Ani thodde pavtti tim-ui thoktat, niraxi zatat ani tankam usko zata. (Jak. 5:17) Tori astana dor sumanak, tim bhett ditat tea sobhentlea bhav-bhoinnank tim koxe toren urba diunk xoktat tacher tim aplem dhean dovortat. Khorench, sorkittachi dekhrekh korpi bhavank “dupett mozuri [“dobrad man,” NW]” favo.—1Tim. 5:17.
Apostl Paulu Romant vochon, thoim aslole sobhek “Deva thaun dennem diunk” sodhtalo. Ani tednam “eka-mekak urba” mellʼlloli taka zai asli. (Rom. 1:11, 12) Tor tumchea sorkittachi dekhrekh korpeak, ani to kazari zalear tachea bailek pasun, tumi koxi urba diunk xoktat hea vixim tumi chintlam kai?
GANVANT SEVA KORTOLEA SORKITTACHI DEKHREKH KORPEACHEM JIVIT, HO VIDEO POLLOIAT ANI UPRANT HEA PROSNANCHE ZOBAB DIAT:
-
Sorkittachi dekhrekh korpi bhav ani tancheo bailo, sobhentlea bhav-bhoinnank svarth naslolo mog koso dakhoitat?
-
Tanchea vavrak lagon tumkam svota zaun koso faido zala?
-
Ami tankam koxi urba diunk zata?
