AMCHEM KRISTI JIVIT
Jehova Koso Chint’ta Aslo?
Vhodd vo lhan nirnnoi gheunchea adim, ami amkanch, ‘Jehova koso chint’ta aslo,’ mhunn vinchartat kai? Jehova koso chint’ta tea vixim amkam soglem kednanch kollchem na tem khorem. Punn “koslea-i borea kamak” purtim zaunk to aplea Utra udexim amkam zai titli mahiti dita. (2Tim. 3:16, 17; Rom. 11:33, 34) Jehovachi khuxi kitem asa ti Jezun sarki vollkhon ghetli ani aplea jivitant tika poilo zago dilo. (Juanv 4:34) Jezuchi dekh gheun ami Jehovak manta tosle nirnnoi gheunk, zata titlo proitn korum-ia.—Ju. 8:28, 29; Ef. 5:15-17.
JEHOVACHI KHUXI KITEM TI VOLLKHON GHE-IT RAVAT (LEV. 19:18), HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:
-
Ami amchea jivitant Bible-antlim totvam kiteak apnnaunk zai?
-
Bible-antlim khoinchim totvam amkam songit vinchun kaddchea vixim modot kortolim?
-
Bible-antlim khoinchim totvam amkam amchea nhespa vixim ani ami koxim disonk zai tem vinchun kaddunk modot kortolim?
-
Ami amchea jivitant Bible-antlim totvam her khoinchea ritimnim apnnaunk zai?
-
Jehovachi khuxi kitem ti vollkhon gheunchi tank ami koxi vaddounk xoktat?
Hanv gheta tea nirnnoi-antlean, Jehova thaim aslole mhoje ixttagoti vixim kitem dison ieta?
