Mars mhoineachea 23 tarker, 1 kotti ani chodd lok Jezuchea Ugddasachea Disak ietole mhunn amkam bhorvonso asa. Bhaxonn diupi bhav, Jehovan kel’lea soddvonne vixim ani fuddarak mellttolea besanvam vixim uloitolo tednam, ailolea lokank ek vhodd govai mellttoli. (Iz. 11:6-9; 35:5, 6; 65:21-23; Ju. 3:16) Punn, tea vellar fokot bhaxonn diupi bhav govai diunchona. Ami sogleamnim, ietolea lokank ieukar diun, bori govaiki diunk bhag gheunk zata. (Rom. 15:7) Hem ami koxem korunk zata?

• Eka zagear vogich boson, kariavoll suru zaunk ravchea bodlek, amchean novea ani khub tempa thaun mittingek ailolea lokank, hastea tonddan ani bore toren zap korun, tankam ieukar diunk zata

• Tumi svota apounnem dilolea lokanchi khas kallji gheta astana, dusrea bhav-bhoinnamnim apounnem dilolea lokankui tumi ieukar diunk zai. Tankam tumi tumchea sangata bosonk ieukar diunk zata, ani kariavoll chalu astana tumcho Bible ani gitanchem pustok tankam dakhounk zata

• Bhaxonna uprant, tankam kosle-i prosn asat zalear tache zobab diunk toiar ravat. Tea zagear dusrea sobhechi kariavoll zaunchi asa, ani vell unno asa zalear, tea munxak zata titlea begin porot bhett korunk manddavoll korat. Tumchea lagim tancho pot’tho vo fon nombor na zalear, tumi oxem mhunnonk zata, “Hi kariavoll tumkam koxi lagli tem hanv zannam zaunk sodtalo. Hanvem tumkam khoimsor mellonk zata?”