• Vachpean tumkam porot sompork korunk, tumcho pot’to diat. Tumcho pot’to divop xanneponn nhoi oxem tumkam dista zalear, tumchea vhoddilanchi porvangi gheun Raj-ghoracho pot’to diat. Punn, sompork korunk xakha ofisacho pot’to KEDNANCH dium nakat.

• Tumi chitt dhaddttat tea munxachem nanv tumi zannant zalear tem boroiat. Oxem kelear, vachpi ti chitt bexttich ek jahirat mhunn chintchona.

• Chitt boroitana tim utram sarkim boroileant vo na, viakronn ani viram chin’n sarke toren uzar keleant vo na tacher dhean diat. Chitt pollounk nitoll asonk zai, hanga-thoim khoddun boroiloli asonk zaina. Hatan boroita zalear, ti vachunk sompi zata tea toren borounk zai. Tacher boroilolim utram chodduch chaltim asonk zainant vo ti bhas sarkich pustokam voili-i asonk zainam.

He mud’de monant dovrunk, chitticho nomuno dil’lo asa. Tumchea vattarantlea lokank chitt boroitana tumi hanga dilolea chittint asat tinch utram uzar korun borounk zai oxem na. Chitt boroitana, tacho ud’dhex ani tumchea vattarantli poristhiti ani sonskruti monant dovrun boroiat.