David Jehovacher patielo mhunn to Goliatak harounk pavlo. (1Sam. 17:45) Ani Davidak modot keli toxi aplea soglea sevokank modot korunk Jehova sodanch toiar asa. (2It. 16:9) Tor ami amchea svotachea onubhovacher vo tankicher nhoi, punn Jehovacher patietat mhunn koxem dakhounk zata? Hea vixim ami tin vatto polloum-ia:

• Sodanch magnnem korat. Ami chuki kortat tednam amkam bhogsonnem di mhunn ami Jehova lagim magtat tem khorem. Punn amcher ietat tea tallnneancho fuddo korunk amkam modot kor mhunn pasun ami Jehova lagim magop gorjechem. (Mt. 6:12, 13) Toxench, ami nirnnoi ghetlea uprant amchea nirnnoiacher besanv ghal mhunn Jehova lagim magtat tem khorem, punn ami nirnnoi gheunchea poilim amkam margdorxon ani zannvai di mhunn Jehova lagim magop gorjechem.—Jak. 1:5

• Bible vachunk ani obheas korunk chukoinakat. Sodanch Bible vachat. (St. 1:2) Tantunt asat tea udharonnancher niall korunk vell kaddat ani tumi xiktat tim lisanvam apnnaiat. (Jak. 1:23-25) Toxench, porgottnni korunk tumkam zaito onubhov aslear pasun, porgottnnent voichea poilim, sodanch toiari korat. Ani sobhentlea mittingentlean faido mellonk adim fuddench toiari korat

• Jehovachem songotton dita tem margdorxon apnnaiat. Jehovachem songotton amkam noveo-noveo suchounneo di-it asta. Tor hea suchounneam vixim zannam zaiat, ani teo rokddeoch apnnaiat. (Lok. 9:17) Toxench, sobheche vhoddil tumkam solʼlo ditat tednam tanchem aikat. —Heb. 13:17

DHUMALLEAK BHIEUNCHI KAINCH GOROZ NA, HO VIDEO POLLOIAT ANI UPRANT HEA PROSNANCHE ZOBAB DIAT:

• Video-nt dakhoilʼlea bhav-bhoinnank kosli bhirant asli?

• Tanchi bhirant pois korunk tankam koxi modot zali?