Lokank Bible xikonk urba ditat tosle char video ami porgottnnent uzar kortat. Hantuntlo dor ek video kiteak ani konna pasot toiar keleat?

• Bible Kiteak Xikonk Zai?—Lamb Video: Eka munxachi patienni kitem-i asum, Bible xikonk tachi umed vaddounk ho video toiar kela. Ho video tankam jivitantlea gorjechea prosnanche zobab, Bible-ant sodhunk urba dita. Toxench, hantunt eka gorjechea prosnacho zobab dilʼlo asa. Tea bhair, tankam Bible xikonk zai zalear tannim kitem korunk zai tem-ui hea video-nt sanglam.

• Bible Kiteak Xikonk Zai? (lhan video): Ho video, lamb video sarkoch asa, punn ho sumar ekuch minttacho asa. Jea vattaramnim lokank ulounk chodd vell asona, tankam to ghoddie chodd faideak poddonk xokta.

• Bible Koso Xikonk Zata?: Ho video funkott Bible xikonk lokanchi umed vaddounk toiar kela. Toxench hea video-nt, lokank Bible obheasa vixim asonk xoktat toslea thoddea prosnanche zobab dilʼle asat. Zoxem, Bible xikonk tannim kitem korunk zai?

• Bible Xikonk Tumkam Ieukar: Ho video Bible vidʼdheartheank dakhounk toiar kela. To Sasnak Khuxalkaien Jieiat! pustokachea dusrea panar melltta tem khorem, punn Sasnak Khuxalkaien Jieiat! pustike vixim uloitana pasun, ami ho video dakhounk zata. Pustokant kitem asa ani vidʼdheartheak kitem xikonk mellttolem tem hea video-nt sanglolem asa.

Dor ek video ek umkoch dhei dovrun toiar kela tem khorem. Punn lokanche poristhiti pormonnem, ami hantuntlo khoincho-i video tankam dakhounk, vo dhaddunk zata. Hea pasot, porgottnnaramnim hea charui video vixim zannam zaunk zai ani porgottnnent te bore toren uzar korunk zai.