Divors gheunk sodhtolea munxak Moizesachea Kaidea pormonnem logn-moddnneachem potr diunk poddttalem. Oxem aslolean, kazar rokddench moddunk mellonaslem. Punn, Jezuchea disamnim dhormik fuddareamnim divors diunk sompem kel’lem. Dadleamnim bailank koslea-i karonnank lagon divors diunk zatalo. (“certificate of dismissal” obheasachi ttipnni Mk. 10:4, nwtsty; “divorces his wife,” “commits adultery against her” obheasachi ttipnni Mk. 10:11, nwtsty) Kazarachi survat Jehovan kel’li ani tannench tem ghoddoun haddlolem. (Mk. 10:2-12) Ek ghov ani bailen “ek kudd” zaun, sodankall ekvottaien ravonk zai aslem. Bible-a pormonnem divors diunk ekuch karonn asa tem mhunnttlear, “pordvar” vo loingik pozoddponn. Hea vixim Matevachea pustokant-ui vachunk melltta.—Mt. 19:9.

Aiz zaite lok kazar, Jezu lekhtalo toso lekhinant punn Farizevam sarke lekhtat. Kazari jivitant oddchonneo ietat tednam sonvsarache lok rokddech divors ditat. Punn Kristi zoddpim oxem korinant. Kazarak dil’lo soput mhotvacho ani gombir mhunn tim lekhtat ani oddchonneo ietat tednam Bible-antlim totvam pallun tim teo oddchonneo suttaveo kortat. Mog ani Resped Familink Ekvottaien Dovorta, ho viddeo polloilea uprant, hea prosnanche zobab diat:

• Mhonn’nneo 15:1-ant sanglam tem tumi tumchea kazari jivitant koxem uzar korunk zata, ani hem gorjechem kiteak?

• Mhonn’nneo 19:11 uzar kelolean tumi tumchea kazari jivitantleo oddchonneo koxeo pois korunk zatat?

• Tumchem kazar moddonk pavlam zalear, divors diunchea vixim chintche suvater tumi tumkanch kosle prosn vicharunk zai?

• Matev 7:12-ant aslolo sol’lo apnnaun hanv ek boro ghov vo ek bori bail koxi zaunk xokta?